Foto: AP Photo / Zachary Hada

AQŞ-tıñ Guamada ornalasqan V-1 "Lanser" strategiyalıq äue atqıştarı Oñtüstik Koreyanıñ äskeri äue küşterimen birigip, Korey tübeginde oqu jattığu jwmıstarın jürgizdi dep habarlaydı Renhap agenttigi. 

Oñtüstik Koreyanıñ äskeri äue küşteri ökiliniñ bergen aqparatına säykes, äue atqıştardıñ sınaması Korey Halıq Demokratiyalıq Respublikasınıñ soñğı äreketterine jauap retinde jasalıp otır.

Äue atqıştarı Japon teñiziniñ üstinen wşıp, soltüstik bağıtta demarkaciyalıq sızıqqa deyin barğan. Kanvondo provinciyasınıñ üstinde olardıñ qatarına F15K jäne F16 joyğıştarı qosılıp, Soltüstik Koreyanıñ negizgi nısandarına soqqı beru joldarın qarastırdı.

Esteriñizge sala keteyik, 4 şilde küni Soltüstik Koreya qwrlıqaralıq ballistikalıq "Hvason-14" zımıranınıñ sınaması sätti ayaqtalğanı turalı mälimdegen. Zımıran 2 mıñ 802 km biiktikke köterilip,  933 km qaşıqtıqqa wşa aladı dep bağa berilgen. Degenmen  Oñtüstik Koreya äskerileri zımıran qalıptı traektoriyada wşırılsa, 7-8 mıñ km qaşıqtıqtı eñsere aladı degen qorıtındı şığardı. Bwl agressiya jağdayında qoldanılatın zımıran Vonsan portınan wşırılsa,  Alyaska men Sietlğa jetui mümkin degen söz.

“The Qazaq Times”