كورەي تۇبەگىندە اقش-تىڭ اۋە اتقىشتارى جاتتىعۋ جۇمىستارىن جۇرگىزدى

اقش-تىڭ گۋامادا ورنالاسقان ۆ-1 "لانسەر" ستراتەگيالىق اۋە اتقىشتارى وڭتۇستىك كورەيانىڭ اسكەري اۋە كۇشتەرىمەن بىرىگىپ، كورەي تۇبەگىندە وقۋ جاتتىعۋ جۇمىستارىن جۇرگىزدى دەپ حابارلايدى رەنحاپ اگەنتتىگى. 

وڭتۇستىك كورەيانىڭ اسكەري اۋە كۇشتەرى وكىلىنىڭ بەرگەن اقپاراتىنا سايكەس، اۋە اتقىشتاردىڭ سىناماسى كورەي حالىق دەموكراتيالىق رەسپۋبليكاسىنىڭ سوڭعى ارەكەتتەرىنە جاۋاپ رەتىندە جاسالىپ وتىر.

اۋە اتقىشتارى جاپون تەڭىزىنىڭ ۇستىنەن ۇشىپ، سولتۇستىك باعىتتا دەماركاتسيالىق سىزىققا دەيىن بارعان. كانۆوندو پروۆينتسياسىنىڭ ۇستىندە ولاردىڭ قاتارىنا F15K جانە F16 جويعىشتارى قوسىلىپ، سولتۇستىك كورەيانىڭ نەگىزگى نىساندارىنا سوققى بەرۋ جولدارىن قاراستىردى.

ەستەرىڭىزگە سالا كەتەيىك، 4 شىلدە كۇنى سولتۇستىك كورەيا قۇرلىقارالىق بالليستيكالىق "حۆاسون-14" زىمىرانىنىڭ سىناماسى ءساتتى اياقتالعانى تۋرالى مالىمدەگەن. زىمىران 2 مىڭ 802 كم بيىكتىككە كوتەرىلىپ،  933 كم قاشىقتىققا ۇشا الادى دەپ باعا بەرىلگەن. دەگەنمەن  وڭتۇستىك كورەيا اسكەريلەرى زىمىران قالىپتى تراەكتوريادا ۇشىرىلسا، 7-8 مىڭ كم قاشىقتىقتى ەڭسەرە الادى دەگەن قورىتىندى شىعاردى. بۇل اگرەسسيا جاعدايىندا قولدانىلاتىن زىمىران ۆونسان پورتىنان ۇشىرىلسا،  الياسكا مەن سيەتلعا جەتۋى مۇمكىن دەگەن ءسوز.

“The Qazaq Times”