Ülken 20 tobı sammiti kezinde Gamburgte qauipsizdik qızmetkerleri köbeytildi. Foto: Reuters UK.

Älem elderiniñ «Üken 20 tobınıñ» sammiti 7-8 şilde küni Germaniyanıñ Gamburg qalasında ötetin bolıp bekitilgen. Kezekti Ülken jiırmalıq toptıñ sammitiniñ bastı taqırıptarı retinde sauda-ekonomika, qorşağan orta jäne bosqındar taqırıbı talqığa salınbaq. Bwl turalı Qıtaydıñ Şinhua aqparattıq agenttigi habarlap otır.

Germaniya ükimeti sammit kezindegi qauipsizdikti qamtamasız etu maqsatında Şengen jeñildigi uaqıtşa toqtatılatının mälimdedi. Dabıralı jiın ötetin mezgilde Gamburg qalasında neşe mıñdağan policiya qızmetkeri qauipsizdik qızmetine tartılmaq. Eki kün bwrın Germaniya ükimetiniñ mälimdemeşisi sözinde Gamburg qalası jäne sammit ötetin aymaqtı tolıqtay qauipsiz aymaq dep mälimdedi.

Gamburgte özge jiın men äleumettik is-şaralarğa tiım salındı. Germaniyanıñ qauipsizdik küşterine qosa Gollandiya men Avstriya qauipsizdik qızmetkerler tobı da şaranıñ qauipsiz ötuine qoldau körsetpek. Sammit kezinde qala ortalığı tolıqtay jabıq aymaqqa aynaladı.

“The Qazaq Times”