Foto: Kapital.kz

2017 jıldıñ 1 toqsanında "Biznestiñ jol kartası-2020" bağdarlamasına qatısuşılar, sonıñ işinde orta jäne şağın biznes ökilderi byudjetke 50 mlrd teñge salıq töledi. Ötken jıldıñ säykes kezeñi boyınşa salıqtıq jinaq 35%-ğa östi.

Tölengen salıqtıñ eñ köp böligi Almatı qalasınıñ käsipkerlerine tiesili. Olar 1 toqsanda 8,9 mlrd teñge salıq tölegen. Sonday-aq, Qarağandı oblısı 4,8 mlrd teñge, Batıs Qazaqstan oblısı 4,7 mlrd teñge töledi. Mwnday mälimetterdi energyprom.kz agenttigi keltirip otır.

Är salalarğa böler bolsaq, qarajattıñ jartısınan köp böligi, yağni 27,2 mlrd teñge öñdeuşi önerkäsip käsiporındarınan tüsken, 7,8 mlrd teñge transport  jäne qoyma kompaniyalarınan, 1,8 mlrd teñge auılşaruaşılıq orındarınan tüsken.

Al ŞOB-tan tüsken salıq kölemi memlekettik byudjetke tüsken jalpı salıqtıñ 3%-ın ğana qwraydı.

"Biznestiñ jol kartası-2020" bağdarlaması bastalğalı beri 2017 jıldıñ 1 toqsanın qosa alğanda byudjetke 463,5 mlrd teñge salıq tölengen. Al berilgen subsidiya kölemi 152,2 mlrd teñgeni qwraydı.

“The Qazaq Times”