Foto: ontustik.gov.kz

Şımkent mwnay öñdeu zauıtın jañğırtu jobasınıñ birinşi kezeñi ayaqtaldı. Nätijesinde mwnay öñdeu tereñdigi 80 payızğa artıp, önim şığaru kölemi jılına 6 mln tonnağa, janarmay öndirisi 3 ese köbeydi. Sonday-aq, Euro-4 jäne Euro-5 ekologiyalıq standartpen janarmay şığarıla bastadı,  dep habarlaydı OQO äkimdiginiñ baspasöz qızmeti. 

Osı jwmıstar boyınşa bolğan saltanattı jiınğa  Qıtay Halıq Respublikasınıñ  CNPC kompaniyası Bas direktorı  Bian  Dıjı  men Oñtüstik Qazaqstan oblısınıñ äkimi Janseyit Tüymebaev qatısıp, zauıt jwmısına sättilik tiledi.

Jañğırtu jwmıstarınıñ birinşi kezeñinde Şımkent mwnay öñdeu zauıtında şikizattı ıdıstarğa sañılausız qwyatın qondırğı iske qosıldı. Sonday-aq quatı jılına 1,5  mln tonna dizel' otının gidrotazalaytın jäne jılına 4 mıñ tonna kükirt öndiretin qondırğı iske qosılıp jwmıs istey bastadı.  Ayta keteyik, innovaciyalıq tıñ tehnologiyalar avtomattı türde basqarıladı.

Mamandardıñ aytuınşa, bwdan bılay aua lastanbaydı. Eñ bastısı – zauıttağı jwmıstardıñ bäri qauipsiz iske asırılatın boladı. Käsiporın mwnday mümkindikke «Üdemeli industrialdı innovaciyalıq damu» bağdarlaması ayasında qol jetkizip otır.

Ayta keteyik, 2 kezeñnen twratın Şımkent mwnay öñdeu zauıtın jañğırtu jobası «Üdemeli industrialdı innovaciyalıq damu» bağdarlaması ayasında 2011 jılı bastalğan bolatın. Jobanıñ bas merdigeri – Qıtaylıq SRESS kompaniyası. Jobanı iske asıruğa 30-da asa jergilikti merdiger kompaniyalar tartılğan. Büginde zauıt akciyası «QazMwnayGaz-ÖM» AQ men qıtaylıq «SNPC» kompaniyasına tiesili.

Sonday-aq zauıtta jılına 4 mıñ tonna kükirt şığarıladı. Qwrılımdau jwmıstarınıñ ekinşi kezeñi tolıq ayaqtalsa, zauıt elimizdegi älemdik talaptarğa say iri käsiporınğa aynalatın boladı. Jıl sayın Şımkent mwnay öñdeu zauıtınan işki, sonday-aq sırtqı narıqtarğa 4 mln tonnağa juıq mwnay önimderi tiep jöneltiledi.

“The Qazaq Times”