Halıqtıñ naqtı aqşalay tabıstarı tömendedi

2017 jıldıñ 1 toqsanında halıqtıñ orta eseppen jan basına şaqqandağı ataulı aqşalay tabıs 75291 teñgeni qwradı jäne 2016 jıldıñ 1 toqsanımen salıstırğanda 7,5%-ğa östi. Alayda osı kezeñde twtınu tauarları men qızmetter bağasınıñ 7,8%-ğa ösimi kezinde halıqtıñ naqtı aqşalay tabıstarı 0,3%-ğa tömendegen. Bwl turalı statistika komitetinen habarlandı. 

"2017 jıldıñ 1 toqsanında halıqtıñ orta eseppen jan basına şaqqandağı ataulı aqşalay tabıstarınıñ mölşeri boyınşa joğarı mäni Atırau oblısında bayqalıp otır, onda körsetkiş ortaşa respublikalıq deñgeyden 1,8 esege asqandığı bayqaldı", - delingen komitet habarlamasında.

Al tabısı eñ tömen öñirler retinde Oñtüstik Qazaqstan jäne Jambıl oblıstarı belgilendi, osı öñirlerde halıqtıñ tabıs mölşeri ortaşa respublikalıq deñgeyden 55-62% tömen.

2017 jıldıñ 1 toqsanında öñirler boyınşa halıqtıñ orta eseppen jan basına şaqqandağı ataulı aqşalay tabıstardıñ eñ joğarı jäne eñ tömengi şaması arasındağı ayırmaşılığı 3,3 eseni qwradı (2016 jılğı 1 toqsanda – 3,4 ese).

“The Qazaq Times”