AQŞ-tıñ Orta Şığıstağı äue küşteri. Foto: timesofisrael.com.

Resey Memlekettik Dumasınıñ halıqaralıq ister jönindegi komiteti AQŞ-tıñ Süriya mañındağı äskeri kemeleri men wşaqtarı soğısqa dayın küyde twrğanın mälimdedi. Atalğan komitettiñ habarına qarağanda AQŞ barlıq dayındıqtardı jasap, Süriya rejiminen soğısudıñ sıltauın izdep otır. Bwl turalı «Pars» aqparat agenttigi habarlaydı.

Halıqaralıq ister jönindegi komitettiñ meñgeruşisi Aleksey Puşkovtıñ jazbaşa mälimdemesinde: «Amerika öziniñ teñiz jäne äue küşterin dayın jağdayğa keltirip, tek soğıstıñ sıltauın izdep ğana otır. Alayda Süriya basşısı Başar Asad olardıñ degenin tauıp bere qoymas», – dedi. Mälimetten belgili bolğanday AQŞ-tıñ Orta Şığıstağı äue jäne teñiz küşteri Süriyağa tiesili äue bazaların bombılauğa äzir küyde bwyrıq kütip twr.

Säuir ayında AQŞ-tıñ Orta Şığıstağı teñiz küşteriniñ soğıs kemesinen atılğan qanattı zımıran Süriyanıñ aş-Şeyrat äue bazasına kelip tüsken bolatı. AQŞ tarabı Süriya biligi tağıda himiyalıq şabuıl jasağalı otır degen aqparat taratqan bolatın.

“The Qazaq Times”