"Qılmıs äleminiñ basşısı" atanğan Salim Abduvaliev. Foto: centralasian.org

"Qılmıs äleminiñ basşısı" dep atalıp ketken Salim Abduvaliev Özbekstannıñ Wlttıq Olimpiada komiteti törağasınıñ orınbasarı bolıp tağayındaldı. Bwl prezident Şavkat Mirziyaev jasağan kadrlıq özgeristerden keyin belgili bolğan.

Özbekstannıñ Wlttıq Olimpiada komitetiniñ törağası bolıp «Özbekmwnaygaz» wltıq kompaniyasınıñ basqarma basşısı Alişer Sultanov saylanğan. Özbekstanğa tanımal käsipker Salim Abduvaliev bolsa, onıñ orınbasarı bolıp tağayındalğan.

2011 jılı Wikileaks saytında jariyalanğan diplomattardıñ hattarında 2004-2007 jıldarı Taşkentte AQŞ elşisi bolıp qızmet atqarğan Djon Purnell Salim Abduvalievti Özbekstandağı «qılmıs äleminiñ basşısı» retinde sipattağan.

2008 jılı Özbekstannıñ qaytıs bolğan twñğış prezidenti Islam Karimov Salim Abduvalievti eldegi sporttı damıtudağı eñbegi üşin arnayı marapattadı. 1997 jıldan beri Salim Abduvaliev Özbekstannıñ sport küresi qauımdastığınıñ prezidenti. Keybir mälimetterge qarağanda ol Olimpiada oyındarında Özbekstannıñ qwrama komandasın qarjılandıradı.

centralasian.org