QR investiciyalar jäne damu ministri Jeñis Qasımbek soñğı 5 jılda respublikalıq mañızı bar 4,2 mıñ km avtomobil' joldarı, onıñ işinde «Nwrlı jol» memlekettik bağdarlaması ayasında - 1,3 mıñ km salınıp, jöndelgenin bayandadı.

Temir jol jelileriniñ wzındığı 1 854 km-ge wlğaydı, «Arqalıq – Şwbarköl» jäne «Jezqazğan – Beyneu» uçaskeleri paydalanuğa berildi, bwl Qazaqstannıñ şığısınan batısına, äri qaray «Özen-Bolaşaq» temir jol jelisi arqılı Parsı şığanağı elderine tikeley şığudı qamtamasız etuge mümkindik berdi. «Borjaqtı - Ersay» tarmağı paydalanuğa berildi jäne «Almatı - Şu» uçaskesiniñ birinşi kezeñin salu ayaqtaldı.

Qwrıq portındağı parom keşeniniñ temir joldarın salu ayaqtaldı. Qıtaymen şekarada «Qorğas – Şığıs qaqpası» AEA-dağı qwrğaq portınıñ» infraqwrılımı tolıq qalıptastırıldı. Elimizdegi jwmıs istep twrğan 18 äuejaydıñ 15-inde jöndeu jürgizildi jäne WQJ men 11 jolauşılar terminalı salındı.

2016 jıldıñ qorıtındısı boyınşa Qazaqstan Düniejüzilik banktiñ «Logistika tiimdiligi indeksi» reytingisinde «Infraqwrılım sapası» körsetkişi boyınşa 106-dan 65-orınğa joğarılap, poziciyasın jaqsarttı. QR IDM mälimeti boyınşa, kölik-logistika salasın damıtu, onıñ işinde jobalıq basqaru ayasındağı şaralar bwl körsetkişti de jaqsartuğa mümkindik beredi.

“The Qazaq Times”