قر ينۆەستيتسيالار جانە دامۋ ءمينيسترى جەڭىس قاسىمبەك سوڭعى 5 جىلدا رەسپۋبليكالىق ماڭىزى بار 4,2 مىڭ كم اۆتوموبيل جولدارى، ونىڭ ىشىندە «نۇرلى جول» مەملەكەتتىك باعدارلاماسى اياسىندا - 1,3 مىڭ كم سالىنىپ، جوندەلگەنىن باياندادى.
تەمىر جول جەلىلەرىنىڭ ۇزىندىعى 1 854 كم-گە ۇلعايدى، «ارقالىق – شۇباركول» جانە «جەزقازعان – بەينەۋ» ۋچاسكەلەرى پايدالانۋعا بەرىلدى، بۇل قازاقستاننىڭ شىعىسىنان باتىسىنا، ءارى قاراي «وزەن-بولاشاق» تەمىر جول جەلىسى ارقىلى پارسى شىعاناعى ەلدەرىنە تىكەلەي شىعۋدى قامتاماسىز ەتۋگە مۇمكىندىك بەردى. «بورجاقتى - ەرساي» تارماعى پايدالانۋعا بەرىلدى جانە «الماتى - شۋ» ۋچاسكەسىنىڭ ءبىرىنشى كەزەڭىن سالۋ اياقتالدى.
قۇرىق پورتىنداعى پاروم كەشەنىنىڭ تەمىر جولدارىن سالۋ اياقتالدى. قىتايمەن شەكارادا «قورعاس – شىعىس قاقپاسى» اەا-داعى قۇرعاق پورتىنىڭ» ينفراقۇرىلىمى تولىق قالىپتاستىرىلدى. ەلىمىزدەگى جۇمىس ىستەپ تۇرعان 18 اۋەجايدىڭ 15-ىندە جوندەۋ جۇرگىزىلدى جانە ۇقج مەن 11 جولاۋشىلار تەرمينالى سالىندى.
2016 جىلدىڭ قورىتىندىسى بويىنشا قازاقستان دۇنيەجۇزىلىك بانكتىڭ «لوگيستيكا تيىمدىلىگى يندەكسى» رەيتينگىسىندە «ينفراقۇرىلىم ساپاسى» كورسەتكىشى بويىنشا 106-دان 65-ورىنعا جوعارىلاپ، پوزيتسياسىن جاقسارتتى. قر يدم مالىمەتى بويىنشا، كولىك-لوگيستيكا سالاسىن دامىتۋ، ونىڭ ىشىندە جوبالىق باسقارۋ اياسىنداعى شارالار بۇل كورسەتكىشتى دە جاقسارتۋعا مۇمكىندىك بەرەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى