Hakerlik şabuıldan bwzılğan sayttıñ skrinşotı.

«Islam memleketi» lañkestik wyımınıñ hakerleri AQŞ ükimetiniñ saytın bwzdı dep habarlaydı VVS aqparat qızmeti.

AQŞ-tıñ Ogayo ştatınıñ gubernatorı Djon Keysiktiñ saytın «Islam memleketi» hakerleri bwzdı. Hakerler Ogayo ştatınıñ resmi saytına ağılşın tilinde «Tramp jäne barlıq AQŞ azamattarı mwsılman memleketterinde tögilgen qan üşin jauapqa tartılatın boladı.» degen habarlama qaldırıp ketken.

Bloomberg jäne New York Post basılımdarınıñ mälimetinşe, däl osınday jazbalar jeksenbi küni Brukheyven qalasınıñ resmi saytında da jariyalanğan.

Al Ogayo şatatınıñ baylanıs basqarmasınıñ basşısı Tom Hoyt bwl jayında: «Qazirgi tañda hakerlerdiñ sayttardı qalay bwzğanın bilu maqsatında şabuıl jasalğan barlıq serverlerdi öşirip tastadıq. Biz qazir qwqıq qorğau organdarımen birigip ne bolğandığın anıqtap jatırmız.» dedi.

Hakerlik şabuıldı Team System DZ tobı öz moyınına alğan. «Islam memleketi» lañkestik wyımınıñ jaqtastarı  Team System DZ  hakerler tobı bwğan deyin Pentagonnıñ Tvitter jäne You Tobe akauntterın bwzğan. 2015 jılı olar Franciyanıñ TV5 Monde  telearnasınıñ saytına şabuıl jasağan.

“The Qazaq Times”