حاكەرلىك شابۋىلدان بۇزىلعان سايتتىڭ سكرينشوتى.

«يسلام مەملەكەتى» لاڭكەستىك ۇيىمىنىڭ حاكەرلەرى اقش ۇكىمەتىنىڭ سايتىن بۇزدى دەپ حابارلايدى ۆۆس اقپارات قىزمەتى.

اقش-تىڭ وگايو شتاتىنىڭ گۋبەرناتورى دجون كەيسيكتىڭ سايتىن «يسلام مەملەكەتى» حاكەرلەرى بۇزدى. حاكەرلەر وگايو شتاتىنىڭ رەسمي سايتىنا اعىلشىن تىلىندە «ترامپ جانە بارلىق اقش ازاماتتارى مۇسىلمان مەملەكەتتەرىندە توگىلگەن قان ءۇشىن جاۋاپقا تارتىلاتىن بولادى.» دەگەن حابارلاما قالدىرىپ كەتكەن.

Bloomberg جانە New York Post باسىلىمدارىنىڭ مالىمەتىنشە، ءدال وسىنداي جازبالار جەكسەنبى كۇنى برۋكحەيۆەن قالاسىنىڭ رەسمي سايتىندا دا جاريالانعان.

ال وگايو شاتاتىنىڭ بايلانىس باسقارماسىنىڭ باسشىسى توم حويت بۇل جايىندا: «قازىرگى تاڭدا حاكەرلەردىڭ سايتتاردى قالاي بۇزعانىن ءبىلۋ ماقساتىندا شابۋىل جاسالعان بارلىق سەرۆەرلەردى ءوشىرىپ تاستادىق. ءبىز قازىر قۇقىق قورعاۋ ورگاندارىمەن بىرىگىپ نە بولعاندىعىن انىقتاپ جاتىرمىز.» دەدى.

حاكەرلىك شابۋىلدى Team System DZ توبى ءوز مويىنىنا العان. «يسلام مەملەكەتى» لاڭكەستىك ۇيىمىنىڭ جاقتاستارى  Team System DZ  حاكەرلەر توبى بۇعان دەيىن پەنتاگوننىڭ تۆيتتەر جانە You Tobe اكاۋنتتەرىن بۇزعان. 2015 جىلى ولار فرانتسيانىڭ TV5 Monde  تەلەارناسىنىڭ سايتىنا شابۋىل جاساعان.

“The Qazaq Times”