Almatıdağı "Nwrlı tau" ğimaratı. Foto: Arenda.kz

Qazaqstannıñ biznes ortalıqtarında jeñildik bastaldı. Osı jıldıñ basınan beri Qazaqstanıñ 4 öñirinde, yağni Qızılorda, Mañğıstau, Pavlodar oblısı jäne Astana qalasında äkimşilik keñse ğimarattarın jalğa alu bağası tömendegen, dep habarlaydı Finprom.kz saraptama qızmeti. 

Bir jıl bwrın keñselerdi jaldau qwnı tek Qostanay oblısında ğana bayqalğan. Sonday-aq, Qazaqstanda keñselerdi jaldau bağası 2016 jıldıñ qañtar-mamır ayındağı körsetkişke qarağanda 0,6%-ğa ğana köterilgen. Bwl soñğı bes jıldıñ alğaşqı bes ayındağı eñ tömengi körstekiş.

Bağa ösimi barlıq sanattağı keñselerde bäseñdep jatır. Mısalı 2017 jıldıñ qañtar-mamır ayında "A" sanatına jatatın keñselerdiñ bağası 0,3%-ğa qımbattağan. Al ötken jıldıñ osı kezeñinde bağa 3,3%-ğa ösken edi. "V" jäne "D" sanatındağı keñselerdiñ bağası arendatorlar üşin 0,1%-ğa qımbattadı. Bir jıl bwrın 1,4% jäne 4%-ğa qımbattağan.

Finprom agenttiginiñ mälimeteri. Biznes ortalıqtardıñ bağasınıñ özgerui.

Osı jılı Qızılorda oblısında keñselerdi jaldau 2016 jıldıñ qañtar-mamır ayına qarağanda 3,1%-ğa arzandağan. Ötken jılı alğaşqı bes ayında bağa indeksi 0,5%-ğa qımbattağan. Mañğıstau oblısındağı bağa 2,6%-ğa tömen. Al Astanada ofistik ğimarattar 0,9%-ğa tömen.

Almatı qalasındağı bağa kerisinşe, 2016 jıldıñ alğaşqı bes ayımen salısıtrğanda 0,9%-ğa qımbattağan.

Ayata keteyik, bwğan deyin jıljımaytın mülik sarapşıları Qazaqstanda salınıp jatqan kommerciyalıq nısandardıñ köbeygendigin jäne olarğa degen swranıstıñ az ekenin aytqan. Olardıñ sözinşe, aldağı uaqıtta da bağa arzan boladı.

“The Qazaq Times”