بيزنەس ورتالىقتار باعانى ارزانداتىپ جاتىر

قازاقستاننىڭ بيزنەس ورتالىقتارىندا جەڭىلدىك باستالدى. وسى جىلدىڭ باسىنان بەرى قازاقستانىڭ 4 وڭىرىندە، ياعني قىزىلوردا، ماڭعىستاۋ، پاۆلودار وبلىسى جانە استانا قالاسىندا اكىمشىلىك كەڭسە عيماراتتارىن جالعا الۋ باعاسى تومەندەگەن، دەپ حابارلايدى Finprom.kz ساراپتاما قىزمەتى. 

ءبىر جىل بۇرىن كەڭسەلەردى جالداۋ قۇنى تەك قوستاناي وبلىسىندا عانا بايقالعان. سونداي-اق، قازاقستاندا كەڭسەلەردى جالداۋ باعاسى 2016 جىلدىڭ قاڭتار-مامىر ايىنداعى كورسەتكىشكە قاراعاندا 0,6%-عا عانا كوتەرىلگەن. بۇل سوڭعى بەس جىلدىڭ العاشقى بەس ايىنداعى ەڭ تومەنگى كورستەكىش.

باعا ءوسىمى بارلىق ساناتتاعى كەڭسەلەردە باسەڭدەپ جاتىر. مىسالى 2017 جىلدىڭ قاڭتار-مامىر ايىندا "ا" ساناتىنا جاتاتىن كەڭسەلەردىڭ باعاسى 0,3%-عا قىمباتتاعان. ال وتكەن جىلدىڭ وسى كەزەڭىندە باعا 3,3%-عا وسكەن ەدى. "ۆ" جانە "D" ساناتىنداعى كەڭسەلەردىڭ باعاسى ارەنداتورلار ءۇشىن 0,1%-عا قىمباتتادى. ءبىر جىل بۇرىن 1,4% جانە 4%-عا قىمباتتاعان.

Finprom اگەنتتىگىنىڭ مالىمەتەرى. بيزنەس ورتالىقتاردىڭ باعاسىنىڭ وزگەرۋى.

وسى جىلى قىزىلوردا وبلىسىندا كەڭسەلەردى جالداۋ 2016 جىلدىڭ قاڭتار-مامىر ايىنا قاراعاندا 3,1%-عا ارزانداعان. وتكەن جىلى العاشقى بەس ايىندا باعا يندەكسى 0,5%-عا قىمباتتاعان. ماڭعىستاۋ وبلىسىنداعى باعا 2,6%-عا تومەن. ال استانادا وفيستىك عيماراتتار 0,9%-عا تومەن.

الماتى قالاسىنداعى باعا كەرىسىنشە، 2016 جىلدىڭ العاشقى بەس ايىمەن سالىسىترعاندا 0,9%-عا قىمباتتاعان.

اياتا كەتەيىك، بۇعان دەيىن جىلجىمايتىن مۇلىك ساراپشىلارى قازاقستاندا سالىنىپ جاتقان كوممەرتسيالىق نىسانداردىڭ كوبەيگەندىگىن جانە ولارعا دەگەن سۇرانىستىڭ از ەكەنىن ايتقان. ولاردىڭ سوزىنشە، الداعى ۋاقىتتا دا باعا ارزان بولادى.

“The Qazaq Times”