Foto: akorda.kz

Prezident Nwrswltan Nazarbaev Qazaqstan Respublikası işki ister organdarınıñ qwrılğanına 25 toluına jäne Policiya künine oray osı salanıñ qızmetkerlerimen kezdesti, dep habarlaydı Aqordanıñ baspasöz qızmeti. 

Elbası jiınğa qatısuşılardı aytulı künmen qwttıqtap, däl osı küni şirek ğasır bwrın Qazaqstan Respublikası işki ister organdarınıñ qwrılğanın atap ötti.

"Bwl Täuelsizdigimizdiñ bastapqı kezeñiniñ aytulı qadamı boldı. İşki ister organdarınıñ qalıptasu tarihı memleketimizdiñ damu tarihımen tığız baylanıstıä, – dedi Nwrswltan Nazarbaev.

Memleket basşısı Qazaqstan policiyasında jankeştilik pen erlik ülgilerin körsetkender az emes ekenin ayttı.

"Olar qılmıspen küreste aldıñğılardıñ qatarınan tabılıp, azamattardıñ qwqıqtarı men bostandıqtarın birinşi bolıp qorğaydı. Soñğı jıldarı qızmetteriñizdiñ nätijeleri ayqın körinude. Bıltırğı jılmen salıstırğanda qılmıs jasau 15 payızdan asa azayğan. Auır jäne asa auır qılmıstardı aşu körsetkişi 72 payızğa jetti. Qala men auıl köşelerindegi twrğındardıñ qauipsizdik deñgeyi aytarlıqtay arttı. Onda qılmıs jasau 14 payızdan asa azaydı", – dedi Qazaqstan Prezidenti.

Bwdan bölek, Memleket basşısı 2017 jılğı 1 şildeden bastap işki ister organdarı qızmetkerleriniñ eñbekaqısın 25 payızğa ösiru jöninde şeşim qabıldanğanın ayttı.

"Jwrt sizderge qarap, memlekettik bilik turalı pikir qalıptastıradı. Sol sebepti, policiya qızmetkeri barşağa ülgi boluğa tiis. Qazaqstan policeyleri aldağı uaqıtta da bar küşin, täjiribesi men quatın abıroylı parızdı sätti orındauğa jwmsaytınına senimdimin",– dedi Qazaqstan Prezidenti.

Nwrswltan Nazarbaev kezdesude İşki ister ministrligi arnayı maqsattağı bölimşesiniñ inspektorı B.Düysenovti İ därejeli «Aybın» ordenimen, Pavlodar oblısı İşki ister departamentiniñ Şarbaqtı audandıq işki ister böliminiñ bastığı J.Mwqatovtı İİ därejeli «Aybın» ordenimen, Oñtüstik Qazaqstan oblısı İşki ister departamentiniñ Ordabası audandıq işki ister böliminiñ bastığı Q.Sahovtı İİ därejeli «Aybın» ordenimen, Astana qalası İşki ister departamentiniñ Tergeu basqarmasınıñ asa mañızdı ister jönindegi ağa tergeuşisi V.Şut'konı İİ därejeli «Aybın» ordenimen, İşki ister minstrligi Qılmıstıq-atqaru jüyesi komitetiniñ asa mañızdı ister jönindegi ağa uäkili A.Ğalievti «Erligi üşin» medalimen, Almatı oblısı İşki ister departamentiniñ jedel-kriminalistik basqarmasınıñ bastığı L.Kimdi «Erligi üşin» medalimen marapattadı.

Qazaqstan Respublikasınıñ Qwrmet gramotasımen Aqtöbe qalası İşki ister basqarmasınıñ uçaskelik policiya inspektorı S.Baltambekova, Aqtau qalası İşki ister basqarmasınıñ uçaskelik policiya inspektorı E.Joldasov jäne Qarağandı qalası İşki ister basqarması arnaulı mekemesiniñ policeyi N.Redçenko marapattaldı.

 “The Qazaq Times”