Almazbek Atambaev jäne Vladimir Putin. Foto: president.kg.

Qırğızstan prezidenti Almazbek Atambaev keşe Mäskeu saparına jol aldı. Bwl turalı Qırğızstan Prezident apparatınıñ memlekettik sayasat bölimi habarlap otır.

Qırğızstan Prezident apparatınıñ bergen mälimetinde Almazbek Atambaevtıñ Reseyge jasaytın memlekettik saparı 5 künge, yağni 24 mausımğa deyin jalğasadı. Eki el diplomatiyalıq qatınasınıñ 25 jıldığına arnalğan kezdesu Resey prezidenti Vladimir Putinniñ şaqıruımen bolıp otır. Bwl rette Qırğız basşısı Resey prem'er-ministri Dmitriy Medvedevpen de kezdespek.

Resey men Qırğızstan basşılarınıñ kezdesuiniñ bastı taqırıbı - qauipsizdik saqtau, migraciya, qarjı jäne statistika tarmaqtarındağı ekijaqtı ıntımaqtastıqqa qol qoyu. Kelisimder Resey men Qırğızstan arasındağı birlik jäne strategiyalıq ortaqtastıqtı qamtıp otır.

Qırğız basşısı bwğan qosa kezekti saparında Reseydegi Qırğızstan mädeniet aptalığına qatısıp, Kreml'diñ ülken zalındağı qırğız önerpazdarınıñ koncertin Resey basşılarımen birge tamaşalaydı.

“The Qazaq Times”