Foto: expo2017astana.com

Ötken aptada EKSPO-2017 körmesine 205 561 adam kelgen.

«Astana EKSPO-2017» wlttıq kompaniyasınıñ basqaruşı direktorı Beybit Qarımsaqovtıñ aytuınşa, osı uaqıtqa deyin pavil'ondarğa adamdardıñ kirip-şığu körsetkişi 1 mln 57 mıñnan asıp otır.

«Bir qonağımız bir künniñ işinde 5-6 pavil'ondı körip ülgeredi. Bizdiñ esebimizge säykes, osı uaqıtqa deyin körmege 26 mıñnan astam şetel azamatı kelip ketti. Ol barlıq qonaqtardıñ 13 payızın qwrap otır», - dedi Qarımsaqov Astanada ötken baspasöz mäslixatında.

Direktordıñ wsınğan mälimetterine säykes, körmege kelgen 10 adam - 6 jasqa deyingi balalar bolsa, mügedekter men ardagerlerdiñ sanı 2 mıñnan astı.

«14 mıñ adam ol - oquşılar, studentter men zeynetkerler. Qazirgi dinamikağa qarasaq, körmege keletin adamdardıñ sanı kün sayın artıp keledi. Mısalı, alğaşqı küni 17 mıñ adam kelse, ötken jwmada 34 mıñnan astam adam kelip ketti», - dep atap körsetti kompaniyanıñ basqaruşı direktorı.

Negizgi josparğa säykes, Astanadağı EKSPO-2017 körmesine kelip ketetin adamdardıñ sanı 2-2,5 mln boluı kerek. Al pavil'ondardı körip ketu körsetkişi 5 mln-ğa jetui tiis. Sebebi bir adam, kem degende, eki ret kelip ketedi degen boljam bar.

“The Qazaq Times”