Duşanbe qalası. Foto: ASIA-Plus.

Täjikstandağı AQŞ elşiligi öziniñ veb-saytında sol eldegi AQŞ azamattarınıñ lañkestik şabuılğa wşırauı mümkin ekenin eskertti. Mälimdemede köpten beri Täjikstandağı terrorlıq toptar lañkestik şabuıl jasamağanımen, tekseru nätijesine qarağanda aldağı altı ayda olardıñ äreket jasauı jiileui mümkin ekeni aytılğan. Bwl turalı «Pars.aqparat» agenttiginiñ resmi saytı habarlap otır.

AQŞ-tıñ Duşanbe qalasında twratın bas elşiligi sol eldegi AQŞ azamattarına Täjikstan men Auğanstan şekarasına jaqın aymaqtarğa sapar şekpeuin eskertip otır. Sonımen birge keşterde köpşilik köbirek jinalatın orındarğa barmauın, mümkindiginşe qoğamdıq kölikti paydalanbauın eskertken.

Esteriñizde bolsa, ötken ayda AQŞ Memlekettik departamenti habarlama jariyalap, öz azamattarına Europağa sayahattay barudıñ qauipti ekenin, jaz aylarında Europada lañkestik şabuıldardıñ jii tuılatındığın mälimdegen bolatın. Bwl eskertuden keyin şınımen de Europanıñ birneşe qalalarında lañkestik şabuıldar orın alğan edi. Demek, aldağı altı ayda Täjikstanda da terrorlıq äreketterdiñ tirkelui bek mümkin.

“The Qazaq Times”