Foto: tass.ru/Matt Dunham

Wlıbritaniya biligi Grenfell Tower ğimaratınan şıqqan örtten zardap şekkenderge jäne ört qwrbandarına 5 mln funt sterling (6,4 mln dollar) qarjı böldi jäne olardı aldağı üş aptada basqa twrğın üylerge köşiruge uäde etti. Bwl turalı eldiñ prem'er-ministri Tereza Mey mälimdedi, dep habarlaydı TASS. 

"Ükimet adamdarğa jedel kömek retinde 5 mln funt beredi. Olar bwğan özderine qajetti zattardı aladı. Alayda biz üş aptanıñ işinde olardı basqa jaqqa köşiru  şaraların qaradıq", - dedi prem'er.

Ayta keteyik, 14 mausım küni tünde London qalasınıñ batısında ornalasqan Grenfell Tower  twrğın üy keşeni örtke orandı. Oqiğa bolğan orınnan tüsirilgen videolarğa qarağanda ört twrğın üydi twtastay şarpığan. Soltüstik Kensington rayonındağı ğimaratına 40-qa juıq ört söndiretin kölikter jinalıp, 200 ört söndiruşi qızmetker tartılsa da örtti toqtatu qiınğa soqqan.

Soñğı mälimetterge qarağanda örtten 30 adam qaza tapqan (bwğan deyin resmi mälimdemede 17 adam dep körsetilgen). Sonday-aq, 24 adam auruhanada bolsa, onıñ 12-si reanimaciya böliminde jatır. Bwdan bölek 70 adam iz-tüssiz joğalğandar qatarında, qaza tapwan boluı da mümkin.

“The Qazaq Times”