ۇلىبريتانيا بيلىگى Grenfell Tower عيماراتىنان شىققان ورتتەن زارداپ شەككەندەرگە جانە ءورت قۇرباندارىنا 5 ملن فۋنت ستەرلينگ (6,4 ملن دوللار) قارجى ءبولدى جانە ولاردى الداعى ءۇش اپتادا باسقا تۇرعىن ۇيلەرگە كوشىرۋگە ۋادە ەتتى. بۇل تۋرالى ەلدىڭ پرەمەر-ءمينيسترى تەرەزا مەي مالىمدەدى، دەپ حابارلايدى تاسس.
"ۇكىمەت ادامدارعا جەدەل كومەك رەتىندە 5 ملن فۋنت بەرەدى. ولار بۇعان وزدەرىنە قاجەتتى زاتتاردى الادى. الايدا ءبىز ءۇش اپتانىڭ ىشىندە ولاردى باسقا جاققا كوشىرۋ شارالارىن قارادىق", - دەدى پرەمەر.
ايتا كەتەيىك، 14 ماۋسىم كۇنى تۇندە لوندون قالاسىنىڭ باتىسىندا ورنالاسقان Grenfell Tower تۇرعىن ءۇي كەشەنى ورتكە وراندى. وقيعا بولعان ورىننان تۇسىرىلگەن ۆيدەولارعا قاراعاندا ءورت تۇرعىن ءۇيدى تۇتاستاي شارپىعان. سولتۇستىك كەنسينگتون رايونىنداعى عيماراتىنا 40-قا جۋىق ءورت سوندىرەتىن كولىكتەر جينالىپ، 200 ءورت ءسوندىرۋشى قىزمەتكەر تارتىلسا دا ءورتتى توقتاتۋ قيىنعا سوققان.
سوڭعى مالىمەتتەرگە قاراعاندا ورتتەن 30 ادام قازا تاپقان (بۇعان دەيىن رەسمي مالىمدەمەدە 17 ادام دەپ كورسەتىلگەن). سونداي-اق، 24 ادام اۋرۋحانادا بولسا، ونىڭ 12-ءسى رەانيماتسيا بولىمىندە جاتىر. بۇدان بولەك 70 ادام ءىز-ءتۇسسىز جوعالعاندار قاتارىندا، قازا تاپۇان بولۋى دا مۇمكىن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى