Reks Tillerson. Foto: Keloland.

AQŞ Memlekettik hatşısı Reks Tillerson särsenbi küni söylegen sözinde «AQŞ ükimeti beybit türde Vaşingtonğa kömektese alatın Irandağı adamdarına qoldau körsetedi» degen bolatın. Bwl soñğı birneşe künde orın alğan AQŞ pen Irannıñ şielenisine negizgi sebep boldı. Iran jaq bwl söz aşıq arandatu dep ayıptap, Irannıñ halıqtıq jäne quattı jüyesiniñ aldındağı şarasızdığın däleldeydi dep körsetti. Bwl turalı Irannıñ «Pars.Aqparat» agenttigi saytında habarlağan bolatın.

Iran jaq Tillersonnıñ sözin irandıq türli toptar arasında qabıldanbaytınına anıq senip otır. Sonımen birge AQŞ-tıñ maqsatı Islam revolyuciyası arqılı qwrılğan IIR biligin qwlatuğa tırısıp otır dep ayıptadı. Irannıñ resmi mälimetinde: «AQŞ-tıñ Islam revolyuciyasına qarsı maqsattarınıñ biri – Islam Respublikası jüyesin ärtürli täsilder arqılı qwlatu. Alayda, amerikalıqtardıñ Irannıñ işki jağdayın taldaudağı qabiletsizdigi olardı qauqarsız etip otır», – delingen.

Iran jaq AQŞ-tı IIR-nıñ işki isine aralastı dep jazğıruda. Alayda, AQŞ Memlekettik hatşısınıñ sözinen de Iranğa qaratqan jaulıq poziciyası anıq añğarıladı. Tramp taqqa otırğannan keyin AQŞ-tıñ Orta-Şığıstağı sayasatında oñdı özgerister boladı dep kütken älemniñ ümiti selge ketti. Orta-Şığısta Irandı oqşaulau sayasatın jüzege asıru Tramp ükimetiniñ bastı maqsattarınıñ birine aynalıp otır. Öñirdegi Irannıñ ıqpalın älsiretu üşin jasalğan qadamdardıñ biri Katar dağdarısı boldı deuge negiz bar. Terrorizmge qarsı küres tuın kötergen «terroristter» älemde äli de şahmat oynap otırğanı belgili.

“The Qazaq Times”