رەكس تيللەرسون. فوتو: Keloland.

اقش مەملەكەتتىك حاتشىسى رەكس تيللەرسون سارسەنبى كۇنى سويلەگەن سوزىندە «اقش ۇكىمەتى بەيبىت تۇردە ۆاشينگتونعا كومەكتەسە الاتىن يرانداعى ادامدارىنا قولداۋ كورسەتەدى» دەگەن بولاتىن. بۇل سوڭعى بىرنەشە كۇندە ورىن العان اقش پەن يراننىڭ شيەلەنىسىنە نەگىزگى سەبەپ بولدى. يران جاق بۇل ءسوز اشىق ارانداتۋ دەپ ايىپتاپ، يراننىڭ حالىقتىق جانە قۋاتتى جۇيەسىنىڭ الدىنداعى شاراسىزدىعىن دالەلدەيدى دەپ كورسەتتى. بۇل تۋرالى يراننىڭ «پارس.اقپارات» اگەنتتىگى سايتىندا حابارلاعان بولاتىن.

يران جاق تيللەرسوننىڭ ءسوزىن يراندىق ءتۇرلى توپتار اراسىندا قابىلدانبايتىنىنا انىق سەنىپ وتىر. سونىمەن بىرگە اقش-تىڭ ماقساتى يسلام رەۆوليۋتسياسى ارقىلى قۇرىلعان ير بيلىگىن قۇلاتۋعا تىرىسىپ وتىر دەپ ايىپتادى. يراننىڭ رەسمي مالىمەتىندە: «اقش-تىڭ يسلام رەۆوليۋتسياسىنا قارسى ماقساتتارىنىڭ ءبىرى – يسلام رەسپۋبليكاسى جۇيەسىن ءارتۇرلى تاسىلدەر ارقىلى قۇلاتۋ. الايدا، امەريكالىقتاردىڭ يراننىڭ ىشكى جاعدايىن تالداۋداعى قابىلەتسىزدىگى ولاردى قاۋقارسىز ەتىپ وتىر»، – دەلىنگەن.

يران جاق اقش-تى ير-نىڭ ىشكى ىسىنە ارالاستى دەپ جازعىرۋدا. الايدا، اقش مەملەكەتتىك حاتشىسىنىڭ سوزىنەن دە يرانعا قاراتقان جاۋلىق پوزيتسياسى انىق اڭعارىلادى. ترامپ تاققا وتىرعاننان كەيىن اقش-تىڭ ورتا-شىعىستاعى ساياساتىندا وڭدى وزگەرىستەر بولادى دەپ كۇتكەن الەمنىڭ ءۇمىتى سەلگە كەتتى. ورتا-شىعىستا يراندى وقشاۋلاۋ ساياساتىن جۇزەگە اسىرۋ ترامپ ۇكىمەتىنىڭ باستى ماقساتتارىنىڭ بىرىنە اينالىپ وتىر. وڭىردەگى يراننىڭ ىقپالىن السىرەتۋ ءۇشىن جاسالعان قادامداردىڭ ءبىرى كاتار داعدارىسى بولدى دەۋگە نەگىز بار. تەرروريزمگە قارسى كۇرەس تۋىن كوتەرگەن «تەرروريستتەر» الەمدە ءالى دە شاحمات ويناپ وتىرعانى بەلگىلى.

“The Qazaq Times”