Foto: Alau.kz

Etnikalıq qazaqtar üşin kelu jäne jäne azamattıq alu räsimderiniñ oñaylatıluına baylanıstı, ötken jılı, elimizge 16 mıñnan astam şeteldik qazaq otbası köşip keldi. Bwl 2015 jılı Otanına oralğandarğa qarağanda 8 esege artıq körsetkiş.

Degenmen, kelgen qandastarımızdıñ basım böligi twrğılıqtı jeri retinde Astana men Almatı qalaların jäne oñtüstik öñirlerdi tañdağandıqtan, bwl rette soltüstik öñirlerge qonıstanudıñ teris sal'dosı wlğaydı.

Jalpı, Eñbek jäne halıqtı äleumettik qorğau ministri Tamara Düysenovanıñ aytuınşa, 1991 jıldan 2017 jıldıñ 1 säuirine deyin 1 millionnan astam etnikalıq qazaq tarihi atamekenine oraldı. 2016 jılı - 16,4 mıñ otbası (33 754 adam), 2017 jıldıñ 1 toqsanında - 2,6 mıñ otbası (4,9 mıñ adam).

“Osı orayda 2016 jılı elimizge qonıs audarğan twlğalardıñ eñbekke jaramdı ülesi 56 payızdı qwrasa, 18 jasqa deyingi balalar - 39% jäne zeynetkerler - 47% boldı. 2017 jılı elge oralğandardıñ 26,4%-ın 18 jasqa deyingi balalar, 67,3%-ın eñbekke jaramdı jandar, 6,3%-ın zeynetkerler ielendi”, - dep atap ötti ministr.

Köş bet tüzegen negizgi elderdiñ işinde bıltır jäne biıl Özbekstan (tiisinşe 2016 jılı 62% jäne 2017 jılı 54,5%), Qıtay ( 2016 jılı 14% jäne  2017 jılı 33,4%), Moñğoliya (2016 jılı 9% jäne  2017 jılı 2,1%), Türkimenstan ( 2016 jılı 6,7% jäne 2017 jılı 4,6%) memleketteri erekşe közge tüsedi.

“The Qazaq Times”