AQŞ-tıñ arnaulı prokurorı Myuller (Oñda). Foto: AOL.

AQŞ-tıñ «Vaşington post» basılımı, sol jerdiñ jergilikti uaqıtımen beysenbi küni keşte jariyalağan habarda, AQŞ arnayı prokurorı Robert Myuller, qazirgi kezde prezidenti Tramptıñ küyeu balası äri joğarı keñesşisi Djared Kuşnerdiñ qarjılıq jäne biznestik operaciyaların tekseru üstinde ekenin mälimdegen. Myullerdiñ tergeuindegi mañızdı mäselelerdiñ işinde AQŞ prezident saylauına Reseydiñ kedergi jasau isi de qamtıladı.  Sonımen qosa Tramp komandasınıñ Resey ökilderimen astırtın baylanıs ornatu isi de bar.

«Vaşington post» basılımınıñ aytuınşa, Myullerdiñ tergeuiniñ bir bölegi – Kuşner men Resey Damu bankınıñ basşsı Sergey Gorkovtıñ ötken jılı jeltoqsan ayındağı kezdesui. Bwl kezde Kuşnerdiñ otbasılıq Jıljımaytın mülik biznesi Manhettende qarjılıq közderin izdep jatqan kezi bolatın.

Bir Kuşner ğana emes, Tramptıñ özge de senimdi jaqtastarı da tergeudi qabıldauına tura kelgen. Tipti älde qaşan qızmetten quılğan AQŞ-tıñ Wlttıq qauipsizdik keñesşisi Mayk Flinn de tergeu nısanasınıñ biri. Bwdan özge, saylau nauqanı kezindegi komanda basşısı Paul Manaford jäne bwrınğı sırtqı sayasat boyınşa keñesşi Karter Peyj de bar.

Qatıstı adamdardıñ särsenbi küni atalğan basılımğa bergen aqparatına qarağanda, Myullerdiñ tekseru kölemi Tramptıñ bwrınğı biznes seriktesterine deyin keñeygen.

“The Qazaq Times”