Soltüstik Koreyada qamauğa alınğan AQŞ studenti. Foto: BBC

AQŞ Memlekettik hatşısı Tillerson 13 mausım küni habarlama jariyalap, Soltüstik Koreyada qamauğa alınğan amerikalıq studenti Ottonıñ (Otto Warmbier) bosatılğanın aytqan edi. Al, AQŞ jergilikti uaqıtımen 15 mausım küni tañerteñ Ottonıñ otbasındağılar baspasöz konferenciyasın ötkizip, onıñ densaulığı tım naşar ekenin ayttı. Bwl turalı Qıtaydıñ «Şinlañ» aqparattıq saytı habarlap otır.

Baspasöz konferenciyasında Ottonıñ tuıs-tuğandarı onıñ beyne bir jılıjaydağı kökönis sekildi tım älsiz küyde oralğanın egile otırıp aytıp berdi. Al, onıñ densaulığın teksergen därigerlerdiñ biri Martinnıñ aytuınşa, Ottonıñ jüyke jüyesi qattı zaqımdalğan.

Ol Japoniyanıñ Sapporo jerindegi AQŞ äskeri bazasınan wşaq arqılı 13 mausım küni keşte AQŞ-tıñ Cincinnati qalasınıñ  «Lennon» äuejayına jetkizilgen. Sodan beri Cincinnati universitetiniñ Medicinalıq ortalığına emdelude.

Keşegi ötken baspasöz mäjilisine Ottonıñ tuıstarı men dostarı da boldı. Otto Warmbier-dıñ äkesi Fred Warmbier-niñ sözinde: «Soltüstik Koreya ükimetiniñ wlıma bwlay jasaytın eş negizi joq. Olar bwnday mämileni qamaudağı basqa  adamdarğa da jasap otır. Men qamaudağı basqa amerikalıqtardıñ da bosatıluın ötinemin», – dedi.  Soltüstik Koreya ükimetiniñ bergen tüsiniktemesinde Otto Warmbier-dıñ botoks infekciyasımen jwğımdalğan jäne wzaq wyıqtay bergendikten osınday sırqat küyde qalğanı aytılğan. Alaydı, onıñ ata-anası bwl tüsiniktemege senbey otır.

“The Qazaq Times”