سولتۇستىك كورەيا قاماۋدان بوساتقان ستۋدەنت ەلىنە مۇگەدەك بولىپ ورالعان

اقش مەملەكەتتىك حاتشىسى تيللەرسون 13 ماۋسىم كۇنى حابارلاما جاريالاپ، سولتۇستىك كورەيادا قاماۋعا الىنعان امەريكالىق ستۋدەنتى وتتونىڭ (Otto Warmbier) بوساتىلعانىن ايتقان ەدى. ال، اقش جەرگىلىكتى ۋاقىتىمەن 15 ماۋسىم كۇنى تاڭەرتەڭ وتتونىڭ وتباسىنداعىلار ءباسپاسوز كونفەرەنتسياسىن وتكىزىپ، ونىڭ دەنساۋلىعى تىم ناشار ەكەنىن ايتتى. بۇل تۋرالى قىتايدىڭ «شينلاڭ» اقپاراتتىق سايتى حابارلاپ وتىر.

ءباسپاسوز كونفەرەنتسياسىندا وتتونىڭ تۋىس-تۋعاندارى ونىڭ بەينە ءبىر جىلىجايداعى كوكونىس سەكىلدى تىم ءالسىز كۇيدە ورالعانىن ەگىلە وتىرىپ ايتىپ بەردى. ال، ونىڭ دەنساۋلىعىن تەكسەرگەن دارىگەرلەردىڭ ءبىرى مارتيننىڭ ايتۋىنشا، وتتونىڭ جۇيكە جۇيەسى قاتتى زاقىمدالعان.

ول جاپونيانىڭ ساپپورو جەرىندەگى اقش اسكەري بازاسىنان ۇشاق ارقىلى 13 ماۋسىم كۇنى كەشتە اقش-تىڭ تسينتسينناتي قالاسىنىڭ  «Lennon» اۋەجايىنا جەتكىزىلگەن. سودان بەرى تسينتسينناتي ۋنيۆەرسيتەتىنىڭ مەديتسينالىق ورتالىعىنا ەمدەلۋدە.

كەشەگى وتكەن ءباسپاسوز ماجىلىسىنە وتتونىڭ تۋىستارى مەن دوستارى دا بولدى. Otto Warmbier-دىڭ اكەسى Fred Warmbier-ءنىڭ سوزىندە: «سولتۇستىك كورەيا ۇكىمەتىنىڭ ۇلىما بۇلاي جاسايتىن ەش نەگىزى جوق. ولار بۇنداي مامىلەنى قاماۋداعى باسقا  ادامدارعا دا جاساپ وتىر. مەن قاماۋداعى باسقا امەريكالىقتاردىڭ دا بوساتىلۋىن وتىنەمىن»، – دەدى.  سولتۇستىك كورەيا ۇكىمەتىنىڭ بەرگەن تۇسىنىكتەمەسىندە Otto Warmbier-دىڭ بوتوكس ينفەكتسياسىمەن جۇعىمدالعان جانە ۇزاق ۇيىقتاي بەرگەندىكتەن وسىنداي سىرقات كۇيدە قالعانى ايتىلعان. الايدى، ونىڭ اتا-اناسى بۇل تۇسىنىكتەمەگە سەنبەي وتىر.

“The Qazaq Times”