Obama jäne Putin. Foto: VS CHICAGO

Jaqında AQŞ-tıñ Showtime arnasında taratılğan «Putinnıñ swhbatı» älemdik baqtıñ köp küngi talqılau taqırıbına aynalıp otır. Atalğan swhbatta Putin köptürli kilteñdi taqırıptarda söz qozğağan. Sonıñ biri AQŞ-tıñ bwrınğı prezidenti Barak Obamanı da soğıp ötti. Soğan oray AQŞ-tıñ keybir basılımdarı Obama prezident te «Reseymen astasuşı ma?» degen mazmwndağı maqalalar jariyalay bastağan. Bwl turalı Qıtaydıñ «Şinlañ» aqparattıq agenttiginiñ resmi saytı jazıp otır.

Putin amerikalıq rejisser Oliver Stoun bergen swhbatında, onı men AQŞ-tıñ bwrınğı prezidenti Barak Obama ekeui telefon arqılı tildesken kezderinde «Barak» jäne «Vladimir» degen şarttı esimderdi paydalanğandarın aytqan. Şarttı ataularğa prezidentterdiñ jeke esimderiniñ qoldanıluı amerikalıqtardıñ kümänin qozğasa kerek.

Swhbat üstinde de Oliver Stoun bwnıñ kümän tudıratın mäsele ekenin ayttı. Biraq ol öziniñ bwl iske tañdanısın jasıra almadı.

Putin osıdan keyingi sözinde: «2014 jılı Ukraina dağdarısı bastalğannan keyin, biz ünemi telefon arqılı sol kezdegi jağdaylar turalı pikir almasıp twrdıq», – dedi. Bwl sözder taralısımen amerikalıqtardıñ Barak Obama turalı küdikteri oyandı deuge boladı. Sebebi, Uaşington biliginde «antireseyşildik» erteden qalıptasıp, prezidentteriniñ bwl jaqtağı wstanımına qattı qadağalau dästürge aynalğan.

“The Qazaq Times”