پۋتين سۇحباتىنان كەيىن امەريكالىقتار بۇرىنعى پرەزيدەنت وبامادان دا كۇدىكتەنە باستادى

جاقىندا اقش-تىڭ Showtime ارناسىندا تاراتىلعان «پۋتيننىڭ سۇحباتى» الەمدىك باقتىڭ كوپ كۇنگى تالقىلاۋ تاقىرىبىنا اينالىپ وتىر. اتالعان سۇحباتتا پۋتين كوپتۇرلى كىلتەڭدى تاقىرىپتاردا ءسوز قوزعاعان. سونىڭ ءبىرى اقش-تىڭ بۇرىنعى پرەزيدەنتى باراك وبامانى دا سوعىپ ءوتتى. سوعان وراي اقش-تىڭ كەيبىر باسىلىمدارى وباما پرەزيدەنت تە «رەسەيمەن استاسۋشى ما؟» دەگەن مازمۇنداعى ماقالالار جاريالاي باستاعان. بۇل تۋرالى قىتايدىڭ «شينلاڭ» اقپاراتتىق اگەنتتىگىنىڭ رەسمي سايتى جازىپ وتىر.

پۋتين امەريكالىق رەجيسسەر وليۆەر ستوۋن بەرگەن سۇحباتىندا، ونى مەن اقش-تىڭ بۇرىنعى پرەزيدەنتى باراك وباما ەكەۋى تەلەفون ارقىلى تىلدەسكەن كەزدەرىندە «باراك» جانە «ۆلاديمير» دەگەن شارتتى ەسىمدەردى پايدالانعاندارىن ايتقان. شارتتى اتاۋلارعا پرەزيدەنتتەردىڭ جەكە ەسىمدەرىنىڭ قولدانىلۋى امەريكالىقتاردىڭ كۇمانىن قوزعاسا كەرەك.

سۇحبات ۇستىندە دە وليۆەر ستوۋن بۇنىڭ كۇمان تۋدىراتىن ماسەلە ەكەنىن ايتتى. بىراق ول ءوزىنىڭ بۇل ىسكە تاڭدانىسىن جاسىرا المادى.

پۋتين وسىدان كەيىنگى سوزىندە: «2014 جىلى ۋكراينا داعدارىسى باستالعاننان كەيىن، ءبىز ۇنەمى تەلەفون ارقىلى سول كەزدەگى جاعدايلار تۋرالى پىكىر الماسىپ تۇردىق»، – دەدى. بۇل سوزدەر تارالىسىمەن امەريكالىقتاردىڭ باراك وباما تۋرالى كۇدىكتەرى وياندى دەۋگە بولادى. سەبەبى، ۋاشينگتون بيلىگىندە «انتيرەسەيشىلدىك» ەرتەدەن قالىپتاسىپ، پرەزيدەنتتەرىنىڭ بۇل جاقتاعى ۇستانىمىنا قاتتى قاداعالاۋ داستۇرگە اينالعان.

“The Qazaq Times”