Foto: primeminister.kz

Ükimet üyinde Qazaqstan Respublikasınıñ Prem'er-Ministri Baqıtjan Sağıntaevtıñ Aziya damu bankiniñ vice-prezidenti Vençay Jangpen kezdesui ötti.

Talqılaudıñ bastı taqırıbı Aziya damu bankiniñ Qazaqstanğa arnalğan 2017-2021 jıldarğa jaña Eldik seriktestik strategiyasınıñ jobası boldı.
Kezdesu barısında strategiya jobasınıñ basım bağıttarı qarastırıldı, onıñ işinde qarjı sektorın nığaytu, twraqtı ösimdi qoldau jäne jaña jwmıs orındarın aşu maqsatında bäsekege qabilettilikti arttıru jäne ekonomikanı ärtaraptandırudı jalğastıru, infraqwrılımğa investiciyalardı qoldau, käsipkerlikti damıtu jäne ekonomikalıq ösimniñ drayverleriniñ biri retinde jeke kapital tartu bar.

Sonımen qatar, densaulıq saqtau jüyesin qayta retteu, auıl aumaqtarın damıtu, klimattıñ özgerui, sonday-aq turizm jäne energetika salalarındağı ıntımaqtastıq mäseleleri talqılandı.

Aziya damu bankiniñ vice-prezidenti V. Jang EKSPO-2017 körmesiniñ ayaqtaluına oray biıl qırküyekte Almatı qalasında öñirlik bilimder ortalığın aşu josparlanğanın atap ötti, onıñ bazasında zertteuler jürgiziledi, sonday-aq Qazaqstandağı institucionaldıq äleuetti damıtuğa järdem körsetiledi.

"The Qazaq Times"