Foto: RIA Novosti / Bolat Şayhinov

AQŞ-tıñ Qazaqstandağı elşisi Jorj Krol şildede Astana qalasında ötetin Süriya kelissözderine äli şaqırtu almağandığın aytıp otır.

Astana qalasında ötetin Süriya kelissözderiniñ kezekti otırısı 4-5 şildege josparlanğan.

Jorj Krol: «Biz äzirge Qazaqstan ükimetinen Süriya kelissözderine baylanıstı eşqanday şaqırtu alğan joqpız» - dedi jurnalisterge.

Qayrat Äbdirahmanov Astana procesiniñ EXPO-2017 körmesi kezinde ötuine eşqanday kedergi joq ekenin aytqan bolatın. Sondıqtan, kezdesudiñ uaqıtı men ornı özgermeydi. Ministrdiñ aytuınşa, EXPO ayasında öz alañında Astana procesiniñ kezekti kezdesuin ötkizuge Qazaqstannıñ äleueti jetkilikti.

Osı uaqıtqa deyin Astanada Süriyadağı qaqtığıstı toqtatu maqsatında halıqaralıq deñgeyde birneşe kezdesu ötken bolatın.

“The Qazaq Times”