Foto: Aqorda

Bügin Astanada Şanhay Intımaqtastığı Wyımı sammitiniñ ayasında Nwrswltan Nazarbaev BWW bas hatşısı Antoni Guterrişpen kezdesti.

Kezdesu barısında Nwrswltan Nazarbaev «Şanhay Intımaqtastıq Wyımınıñ tarihında bügin alğaş ret BWW bas hatşısı wyım sammitine qatısıp otır. Sizdiñ wyım jwmısına qatısuıñız tarihi sätpen twspa-tws kelipti. Bügin ŞIW qwramına Ündistan men Päkistan müşelikke qabıldanıp otır. Bwl degenimiz wyımnıñ osı aumaqta ğana emes älemdik därejede sayasi salmağın artadı degen söz.» dedi.

Bwdan bölek Nazarbaev Qazaqstan BWW kez kelgen bastamasın qoldaytının jäne qazaq eli älem boyınşa antiyadrolıq qozğalıstıñ köş basşısı ekendigin aytqan.

Al Antoni Guterriş öz kezeginde «Men bügin sammitke kelip ŞIW jer şarınıñ tartılıs küşi ekendigine tağı bir ret közim jetti. Bwl wyım osı aumaqta twraqtılıqtı saqtap twrudıñ qozğauşı küşi boladı dep oylaymın. Endi osı wyım arqılı Ündistan men Päkistan özara dialogqa keledi degen ümittemin.» dedi.

“The Qazaq Times”