Фото: Ақорда

Бүгін Астанада Шанхай Ынтымақтастығы Ұйымы саммитінің аясында Нұрсұлтан Назарбаев БҰҰ бас хатшысы Антони Гутерришпен кездесті.

Кездесу барысында Нұрсұлтан Назарбаев «Шанхай Ынтымақтастық Ұйымының тарихында бүгін алғаш рет БҰҰ бас хатшысы ұйым саммитіне қатысып отыр. Сіздің ұйым жұмысына қатысуыңыз тарихи сәтпен тұспа-тұс келіпті. Бүгін ШЫҰ құрамына Үндістан мен Пәкістан мүшелікке қабылданып отыр. Бұл дегеніміз ұйымның осы аумақта ғана емес әлемдік дәрежеде саяси салмағын артады деген сөз.» деді.

Бұдан бөлек Назарбаев Қазақстан БҰҰ кез келген бастамасын қолдайтынын және қазақ елі әлем бойынша антиядролық қозғалыстың көш басшысы екендігін айтқан.

Ал Антони Гутерриш өз кезегінде «Мен бүгін саммитке келіп ШЫҰ жер шарының тартылыс күші екендігіне тағы бір рет көзім жетті. Бұл ұйым осы аумақта тұрақтылықты сақтап тұрудың қозғаушы күші болады деп ойлаймын. Енді осы ұйым арқылы Үндістан мен Пәкістан өзара диалогқа келеді деген үміттемін.» деді.

“The Qazaq Times”