Foto: Gazeta.uz

Bügin Moñğoliya Prezidenti Cahiagiyn Elbegdorj Şanhay ıntımaqtastıq wyımınıñ 9-10 mausımda ötetin kezekti sammitine qatısu üşin Astanağa keldi. Bwl turalı Qazaqparat habarlaydı.

Sonday-aq, bügin Özbekstan Prezidenti Şavkat Mirzieev te Qazaqstanğa keldi.

Moñğoliya - 2004 jılı Taşkentte ötken sammitte baqılauşı statusına ie bolğan alğaşqı melmeket. Şanhay Intımaqtastıq wyımı - Qıtay, Resey, Qazaqstan, Özbekstan, Täjikstan, Qırğızstan Prezidentteriniñ qatısuımen 2001 jılı qwrılğan halıqaralıq wyım. Negizi 1996 jılı «Şanhay bestigi» qwrılğan. Al 2001 jılı ol Şanhay ıntımaqtastıq wyımı bolıp özgerip, qwramğa Özbekstan kirdi. 2015 jılıı şildede ŞIW-ğa Ündistan men Päkistandı qabıldau räsimi qolğa alındı.

Ayta keteyik, keşe elimizge Auğanstan Prezidenti  Aşraf Gani Ahmadzay men Qıtay prezidenti Şi Jinpiñ (Si Czin'pin) kelgen. Al bügin Resey Prezidenti Vladimir Putin keledi dep kütilude.

8-10 mausım küni Astanada ötetin ŞIW sammitinde wyımğa müşe elderdiñ basşıları aymaqtıq jäne halıqaralıq sayasattıñ özekti mäseleleri boyınşa pikir almasıp, wyımnıñ qazirgi damu jağdayı men bolaşağın talqılaydı.

“The Qazaq Times”