Foto: RIA Novosti/Abdulkader Hadj

S&P Global Ratings halıqaralıq reyting agenttigi Katardıñ wzaqmerzimdi egemendik reytingin "AA" deñgeyinen "-AA" deñgeyine tüsirdi. Reyting aldağı uaqıtta tağı tömendeui mümkin degen boljamen qayta qarau tizimine engen.

Reytingtiñ tömendeuiniñ birden bir sebebi - Egipet, Saud Arabiyası, Bahreyn, Birikken Arab ämirligi,  Yemenniñ şığıs böligi, Mal'diva men Mavrikiy elderiniñ Katarmen diplomatiyalıq qatınastı üzui. Sebebi atalğan memleketter Katardı "terroristik wyımdardı qoldap, Tayau şığıstağı jağdaydıñ twraqsız boluına ıqpal etti" dep kinäladı.

"Biz diplomatiyalıq qarım qatınastıñ üzilui Katardıñ sırtqı poziciyasına keri äser etedi dep oylaymız jäne bwl eldiñ ekonomikalıq ösimi men fiskaldı körsetkişine qısım körsetui mümkin. Sondıqtan biz Katardıñ wzaq merzimdi reytingin "-AA" deñgeyine tüsirdik jäne reytingti qayta qarau tiziminde twr", - delingen agenttik habarlamasında.

Reytingtiññ qayta qarau tizimine enui onıñ aldağı uaqıtta tağı tüsui mümkin ekenin bildiredi. Sonımen agenttik eldiñ işki sayasi täuekelderi artıp, memlekettik qarız deñgeyi köbeyetin bolsa reytingti tağı tömendetui mümkin.

S&P mälimetinşe, Katardıñ ipmort jäne eksport narığında biraz qiındıqtar tuındaydı. Mısalı 2016 jılı diplomomatiyalıq qatınastı üzgen elderdegi Katardıñ eksport ülesi 10% bolağan. Al sol elderdiñ Katardağı importı 15% bolğan eken. "Osı faktorlardı esepke alar bolsaq, onda Katardıñ ekonomikalıq ösimi bäseñdeydi", - deydi agenttik.

S&P boljamınşa, Katardıñ JİÖ ösimi birtindep bäseñdeydi: 2017 jılı - 3,4%, 2018 jılı - 3,3%, 2019-2020 jılı - 3% boluı mümkin. Inflyaciya osı jılı 3,6%, 2018 jılı- 3,8%, 2019-2020 jıldarı - 3,7% deñgeyinde boladı dep kütilude.

Al bwl jağday Qazaqstanğa qalay äser etedi? Qazaqstan Katarmen de joğarıda atı atalğan tayau şığıs erderimen de ıntımaqtastıq qarım-qatınasta. Endi diplomatiyalıq qatınas üzilgen soñ Qazaqstan eşkimdi renjitip almay, bir emes birneşe eldiñ köñilin tabuına tura keledi.

“The Qazaq Times”