كاتاردىڭ رەيتينگى تومەندەپ جاتىر

S&P Global Ratings حالىقارالىق رەيتينگ اگەنتتىگى كاتاردىڭ ۇزاقمەرزىمدى ەگەمەندىك رەيتينگىن "اا" دەڭگەيىنەن "-AA" دەڭگەيىنە ءتۇسىردى. رەيتينگ الداعى ۋاقىتتا تاعى تومەندەۋى مۇمكىن دەگەن بولجامەن قايتا قاراۋ تىزىمىنە ەنگەن.

رەيتينگتىڭ تومەندەۋىنىڭ بىردەن ءبىر سەبەبى - ەگيپەت، ساۋد ارابياسى، باحرەين، بىرىككەن اراب امىرلىگى،  يەمەننىڭ شىعىس بولىگى، مالديۆا مەن ماۆريكي ەلدەرىنىڭ كاتارمەن ديپلوماتيالىق قاتىناستى ءۇزۋى. سەبەبى اتالعان مەملەكەتتەر كاتاردى "تەرروريستىك ۇيىمداردى قولداپ، تاياۋ شىعىستاعى جاعدايدىڭ تۇراقسىز بولۋىنا ىقپال ەتتى" دەپ كىنالادى.

ء"بىز ديپلوماتيالىق قارىم قاتىناستىڭ ءۇزىلۋى كاتاردىڭ سىرتقى پوزيتسياسىنا كەرى اسەر ەتەدى دەپ ويلايمىز جانە بۇل ەلدىڭ ەكونوميكالىق ءوسىمى مەن فيسكالدى كورسەتكىشىنە قىسىم كورسەتۋى مۇمكىن. سوندىقتان ءبىز كاتاردىڭ ۇزاق مەرزىمدى رەيتينگىن "-اا" دەڭگەيىنە تۇسىردىك جانە رەيتينگتى قايتا قاراۋ تىزىمىندە تۇر", - دەلىنگەن اگەنتتىك حابارلاماسىندا.

رەيتينگتىڭڭ قايتا قاراۋ تىزىمىنە ەنۋى ونىڭ الداعى ۋاقىتتا تاعى ءتۇسۋى مۇمكىن ەكەنىن بىلدىرەدى. سونىمەن اگەنتتىك ەلدىڭ ىشكى ساياسي تاۋەكەلدەرى ارتىپ، مەملەكەتتىك قارىز دەڭگەيى كوبەيەتىن بولسا رەيتينگتى تاعى تومەندەتۋى مۇمكىن.

S&P مالىمەتىنشە، كاتاردىڭ يپمورت جانە ەكسپورت نارىعىندا ءبىراز قيىندىقتار تۋىندايدى. مىسالى 2016 جىلى ديپلوموماتيالىق قاتىناستى ۇزگەن ەلدەردەگى كاتاردىڭ ەكسپورت ۇلەسى 10% بولاعان. ال سول ەلدەردىڭ كاتارداعى يمپورتى 15% بولعان ەكەن. "وسى فاكتورلاردى ەسەپكە الار بولساق، وندا كاتاردىڭ ەكونوميكالىق ءوسىمى باسەڭدەيدى", - دەيدى اگەنتتىك.

S&P بولجامىنشا، كاتاردىڭ ءجىو ءوسىمى بىرتىندەپ باسەڭدەيدى: 2017 جىلى - 3,4%، 2018 جىلى - 3,3%، 2019-2020 جىلى - 3% بولۋى مۇمكىن. ينفلياتسيا وسى جىلى 3,6%، 2018 جىلى- 3,8%، 2019-2020 جىلدارى - 3,7% دەڭگەيىندە بولادى دەپ كۇتىلۋدە.

ال بۇل جاعداي قازاقستانعا قالاي اسەر ەتەدى؟ قازاقستان كاتارمەن دە جوعارىدا اتى اتالعان تاياۋ شىعىس ەردەرىمەن دە ىنتىماقتاستىق قارىم-قاتىناستا. ەندى ديپلوماتيالىق قاتىناس ۇزىلگەن سوڭ قازاقستان ەشكىمدى رەنجىتىپ الماي، ءبىر ەمەس بىرنەشە ەلدىڭ كوڭىلىن تابۋىنا تۋرا كەلەدى.

“The Qazaq Times”