Foto: tengrinews.kz

Qazaqstannıñ turizmine swranıs artıp keledi. Osı jılı elge şamamen 100 mıñ şeteldik kelui mümkin degen boljam bar, dep habarlaydı LS.

"Qaztur" agenttiginiñ direktorı Altay Omarovtıñ sözinşe, turister sanınıñ mwnday köp boluı birinşi kezekte EKSPO-2017 halıqaralıq körmesiniñ ötuimen baylanıstı. "Ärbir turist ortaşa eseppen 400 dollar jwmsaydı. EKSPO-nıñ ötuine baylanıstı sırtqı turizm üşin keletinder sanı 5-6 esege artadı", - deydi ol.

Sonday-aq, ol turister üşin qızıqtı bolatın jerlerdi atadı. "Kölsay köli, Şarın şatqaldarında jäne basqa da jerlerde infraqwrılım jaqsı damımağandıqtan negizgi ob'ekt Almatı men Astana bolıp qaladı, Şın mäninde qalalar demalıs ornı emes, biraq mwnda ekskursiyağa arnalğan birkündik marşruttar jüredi", - deydi Omarov.

Onıñ esepteuinşe, Almatıdağı  turister künine orta eseppen 50-70 dollar jwmsaydı. 2016 jılmen salıstırğanda şığındar dollar ekvivalentinde ösip, teñgede özgerissiz qalğan.

"Qaztur" direktorınıñ sözinşe, kurorttıq aymaqtardıñ işinde jaqsı damığanı Alaköl men Burabay. Alayda mwnday sırt aymaqtarğa barudan asa payda tüse qoymaydı.

"Bwl jerlerge Astanadan nemese Almatıdan baru wzaq uaqıttı aladı. Onıñ üstine ol jerdegi bağa wsınılğan qızmetter men infraqwrılım deñgeyine säykes emes. Bizdiñ oyımızşa, turister Şımbwlaq nemese Lesnaya skazka siyaqtı orındarğa baradı", - deydi Omarov.

“The Qazaq Times”