قازاقستاننىڭ تۋريزمىنە سۇرانىس ارتىپ كەلەدى. وسى جىلى ەلگە شامامەن 100 مىڭ شەتەلدىك كەلۋى مۇمكىن دەگەن بولجام بار، دەپ حابارلايدى LS.
"قازتۋر" اگەنتتىگىنىڭ ديرەكتورى التاي وماروۆتىڭ سوزىنشە، تۋريستەر سانىنىڭ مۇنداي كوپ بولۋى ءبىرىنشى كەزەكتە ەكسپو-2017 حالىقارالىق كورمەسىنىڭ وتۋىمەن بايلانىستى. "اربىر تۋريست ورتاشا ەسەپپەن 400 دوللار جۇمسايدى. ەكسپو-نىڭ وتۋىنە بايلانىستى سىرتقى تۋريزم ءۇشىن كەلەتىندەر سانى 5-6 ەسەگە ارتادى", - دەيدى ول.
سونداي-اق، ول تۋريستەر ءۇشىن قىزىقتى بولاتىن جەرلەردى اتادى. "كولساي كولى، شارىن شاتقالدارىندا جانە باسقا دا جەرلەردە ينفراقۇرىلىم جاقسى دامىماعاندىقتان نەگىزگى وبەكت الماتى مەن استانا بولىپ قالادى، شىن مانىندە قالالار دەمالىس ورنى ەمەس، بىراق مۇندا ەكسكۋرسياعا ارنالعان بىركۇندىك مارشرۋتتار جۇرەدى", - دەيدى وماروۆ.
ونىڭ ەسەپتەۋىنشە، الماتىداعى تۋريستەر كۇنىنە ورتا ەسەپپەن 50-70 دوللار جۇمسايدى. 2016 جىلمەن سالىستىرعاندا شىعىندار دوللار ەكۆيۆالەنتىندە ءوسىپ، تەڭگەدە وزگەرىسسىز قالعان.
"قازتۋر" ديرەكتورىنىڭ سوزىنشە، كۋرورتتىق ايماقتاردىڭ ىشىندە جاقسى دامىعانى الاكول مەن بۋراباي. الايدا مۇنداي سىرت ايماقتارعا بارۋدان اسا پايدا تۇسە قويمايدى.
"بۇل جەرلەرگە استانادان نەمەسە الماتىدان بارۋ ۇزاق ۋاقىتتى الادى. ونىڭ ۇستىنە ول جەردەگى باعا ۇسىنىلعان قىزمەتتەر مەن ينفراقۇرىلىم دەڭگەيىنە سايكەس ەمەس. ءبىزدىڭ ويىمىزشا، تۋريستەر شىمبۇلاق نەمەسە لەسنايا سكازكا سياقتى ورىندارعا بارادى", - دەيدى وماروۆ.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى