Foto: The Wall Street Journal

«Islam memleketi» wyımı Londondağı terrorlıq şabuıldı öz üstine aldı. Äri bwl şabuıldıñ ramazan ayına oray jasalğanın ayttı.  «Islam memleketiniñ» aqparattıq agenttigi «Amaq»-tıñ taratqan habarında bwl retki lañkestik şabuıldı «qwpiya top» dep atalatın arnaulı jankeştilerdiñ orındağanın ayttı. Bwl turalı "The Wall Street Journal" basılımı habarlap otır.

Ramazan ayı 26 mamırda bastaldı, al sodan beri qaray «Islam memleketi» wyımınıñ müşeleri men onı jaqtauşılar äleumettik medialarda habarlama taratudı bastap ketti. Bwl habarlar arqılı är elde jasırınğan jankeştilerdi şabuıl wyımdastıruğa jeliktirdi.

Ötken aptanıñ jwma küninde de atalğan wyımğa müşe nemese olardı qoldauşı jaqtastarı äleumettik jelide jeliktiru mağınasındağı plakattar tarattı. Jankeştilerdi AQŞ pen Europanıñ beybit twrğındarına şabuıl jasauğa şaqırdı. Olardıñ mazmwnı däl Londonda keşe ğana tuılğan lañkestik şabuıl äreketine wqsaydı. Jeliktiru sözderinde pışaqtau, avtokölikpen adamdar tobına şabuıldau, jürginşilerge şabuıl jasau sındı  sözder bar.

“The Qazaq Times”