AQŞ-tıñ Izrail'degi elşiligi. Foto: The Times of Israel.

AQŞ prezidenti Donal'd Tramp taqqa otırğannan keyin bir qatar özgerister jasau şeşimderin jasağan. Sonıñ işinde Izrail'diñ Tel'-Aviv qalasındağı Qwrama Ştattıñ ökiletti elşiligin Ierusalimge köşiru isi de bar bolatın. Bwl Tramp qana emes Amerika men Europa jäne Orta-Şığıs üşin asa näzik mäseleniñ biri. Elşilikti Ierusalim qalasına ornalastıru, Ierusalimdı Izrail'diñ ortalıq qalası dep moyındau bolıp sanaladı. Al bwğan twtas arab älemi qarsı twruı mümkin.

"Türik Tele-Radio" qızmetiniñ resmi saytı jariyalağan bir habarda, Europalıq odaqtıñ da Tramp jasağan şeşimge kelise bermeytinin ayttı. Öñirlik twraqtılıqtı saqtap twru üşin bwl şeşimnen bas tartqanı dwrıs dep sanaydı.  EO-nıñ Sırtqı ister jäne qauipsizdik jönindegi joğarı ökili Federika Mogerini bwl turalı: "Älem twraqtılığı men ornıqtılığı üşin, äsirese Orta-Şığıs mäselesiniñ oñğa basuı üşin barınşa sabırlı şeşimderdi jasauğa tiispiz. Bir taraptı şeşimderden, sonıñ işinde älem halıqtarınıñ pikirine bütindey äser etetin şeşimderde asa bayıptılıq tanıtuımız kerek", – dedi.

Tramp biligi 1995 jılğı "Ökiletti elşilikter zañı" negizinde Izrail'degi elşiligin Ierusalimge köşirudi közdep otır. Sebebi, AQŞ-tıñ bwl zañında ökiletti elşilik sol eldiñ äkimşilik, sayasi ortalığında boluı tiis.  Atalğan zañ qabıldanğannan beri AQŞ-tıñ birde bir prezidenti talastağı qala Ierusalimdi Izrail' astanası dep moyındap, oğan elşilik köşirmegen bolatın. Biraq 1967 jılı Izrail' jağınan jaulap alınğan Ierusalim Halıqaralıq qwqıqtar qorğau wyımı jağınan eş eldiñ menşigi bolıp sanalmaydı. Islam dininiñ qasietti qwndılıqtarınıñ biri äl-Aksa meşiti ornalasqan Şığıs-Ierusalimdi Iordaniya men Mısır eli öz baqılauına alıp otır.

“The Qazaq Times”