Qazaqstan sırtqa et sata almay otır

Qazaqstan etiniñ sırtqı narıqtağı ülesi qwldırap jatır. Biılğı jıldıñ 1 toqsanında 2016 jıldıñ alğaşqı aylarına qarağanda et jäne et önimderiniñ eksportı 45%-ğa azayğan. 2017 jıldıñ qañtar-naurız ayında şetelge bar bolğanı 1,6 mıñ tonna et satılğan, dep habarlaydı  ranking.kz agenttigi. 

Satılım deñgeyiniñ tömendeui qazaqstandıq öndiruşilerdiñ bağanı köteruimen baylanıstı. YAğni sırttan satıp aluşılar üşin qazaqstandıq ettiñ bağası  35%-ğa qımbattağan. Osılayşa et eksportınan tüsken tüsim 1 toqsanda 25%-ğa qısqarğan jäne 3,1 mln dollar boldı.

Qazaqstannan eñ köp etti satıp alatın el - körşi Resey. Jalpı tört ayda eksporttalğan ettiñ 94,5%- nemese 1,5 mıñ tonnası osı elge jetkizilgen. Al 2016 jılı bwl körsetkiş 70%-dı qwrağan.

Alayda, Resey narığında da qazaqstandıq ettiñ satılımı qwldırap jatır. Ötken jılmen salıstırğanda biıl 4 ayda et  15%-ğa az satılğan.

Basqa bağıttarğa da eksport mülde tömendep ketken. Mısalı Täjikstanğa jetkiziletin et kölemi 6 esege qısqarsa, Qıtay, Qırğızstan, Özbekstan birde bir tonna et satıp almağan.

Al qazaqstandıq twtınuşılar 2017 jıldıñ tört ayında bar bolğanı 229,6 mıñ tonna et satıp alğan. Onıñ işinde qws eti de bar.

Ayta keteyik, 2011 jılı iri qara maldıñ etiniñ eksportın damıtu jobası qabıldanğan. Jobanı jüzege asıru merzimi 2011-2015 jıldar bolğan. Osı joba Qazaqstannıñ et eksportın 2016 jılı 60 mıñ tonnağa, al keyingi 5 jılda 180 mıñ tonnağa deyin arttıruğa mümkindik beredi dep josparlanğan edi.

Degenmen Qazaqstan 2016 jılı 60 mıñ tonnanıñ besten bir böligin, yağni 12 mıñ tonna ğana et eksporttadı.

“The Qazaq Times”