Tramptıñ klimattıñ jılınuımen şaruası joqtay. Foto: Salon

AQŞ-tıñ jergilikti uaqıtımen särsenbi küni keşte (Astana uaqıtımen beysenbi tüsten bwrın)AQŞ prezidenti Donal'd Tramp öziniñ Twitter paraqşasında beysenbi küni tüsten keyin «Parij kelisimi» turalı şeşimin jariyalaytının ayttı. Bwl turalı tanımal "The Wall Street Journal" basılımı habarlap otır.

Aqüydiñ Rauşan gül baqşasında ol AQŞ ükimetiniñ klimat özgerisine qatıstı «Parij kelisimin» saqtaytın nemese saqtamaytını turalı şeşimdi jariya etpek. AQŞ-tağı BAQ-tıñ habarlauınşa, Tramp atalmış kelisimnen bas tartuğa beyim twr. Bwl twralı Tramp saylaudan bwrınğı uädelerinde de aytqan edi. Alayda bwnısı Aqüydiñ birqatar wstanımdarına qayşı kelgeli twr.

2015 jılğı 190 memleket qol qoyğan  klimattıñ özgerisine baylanıstı «Parij kelisimi» boyınşa, aldağı on jıl işinde parniktik gazdardıñ şığarındıların azaytuğa tiis bolğan. Qazirgi kezde tek Süriya men Nikaragua eli ğana kelisim bergen joq.

Al, kelisimge qol qoyğan uaqıtta sol kezdegi AQŞ ükimeti 2025 jılı parniktik gazdardıñ şığarındıların 2005 jılmen salıstırğanda 26% -28%-ğa azaytuğa uäde bergen bolatın. Alayda, Tramp bilikke kelgennen keyin, öziniñ atalmış «Amerika birinşi» wranımen ekonomikağa serpin beru üşin, öndiristi damıta tüskisi keledi. Sondıqtan Obamanıñ Amerika Qwrama Ştatı atınan bergen uädesinen tayıp ketkeli otır.

“The Qazaq Times”