Qazaqstan ekonomikası bäsekege qabiletti elder reytinginde 47 orınnan 32 orınğa köterildi. Mwnday reytingti şveycariyalıq IMD biznes mektebi jasap otır. Osılayşa Qazaqstan 46 orınğa twraqtağan körşi Resey elinen 14 satığa joğarı twr. Al Ukraina eli 60 orınğa tüsken. 

RBK agenttiginiñ mälimetinşe, reytingti jasağan avtorlar elderdiñ ekonomikası bäsekege qabiletti ekenin 4 satığa bölip, 20 parametr boyınşa anıqtağan. Olar mınalar: ekonomika körsetkişi, ükimettiñ basqaru tiimdiligi, infraqwrılım men biznestiñ tiimdiligi. Sonday-aq, parametrlerdiñ özi Jalpı işki önim, benzin bağası, salıq deñgeyi, kapital qwnı, memleket sayasatınıñ ayqındığı, memlekettik sayasat, şeteldik ideyalarğa qatısı wlttıq közqarastar sındı birneşe deñgeylerge bölingen.

Qazaqstan reyting boyınşa öz poziciyasın äldeqayda jıldam jaqsartqan. Bir jıl işinde "memlekettik qarjı" parametrinde birden 51 orınan 4 orınğa, "işki ekonomika" körsetkişinde 51 orınnan 40 orınğa joğarılağan. Bwğan qosa respublika "biznes tiimdiligi" kategoriyasında da öziniñ poziciyasın jaqsartqan.

Reytingte birinşi orındı eki jıl qatarınan Gonkong ielendi. Ekinşi jäne üşinşi orında - Şveycariya men Singapur. AQŞ üşinşi orınnan törtinşi orınğa tüsken. Alğaşqı bestikti 8 orınnan 5 orınğa köterilgen Niderlandı ayaqtap twr.

 

 

“The Qazaq Times”