قازاقستان ەكونوميكاسى باسەكەگە قابىلەتتى ەلدەر رەيتينگىندە 47 ورىننان 32 ورىنعا كوتەرىلدى. مۇنداي رەيتينگتى شۆەيتساريالىق IMD بيزنەس مەكتەبى جاساپ وتىر. وسىلايشا قازاقستان 46 ورىنعا تۇراقتاعان كورشى رەسەي ەلىنەن 14 ساتىعا جوعارى تۇر. ال ۋكراينا ەلى 60 ورىنعا تۇسكەن.
ربك اگەنتتىگىنىڭ مالىمەتىنشە، رەيتينگتى جاساعان اۆتورلار ەلدەردىڭ ەكونوميكاسى باسەكەگە قابىلەتتى ەكەنىن 4 ساتىعا ءبولىپ، 20 پارامەتر بويىنشا انىقتاعان. ولار مىنالار: ەكونوميكا كورسەتكىشى، ۇكىمەتتىڭ باسقارۋ تيىمدىلىگى، ينفراقۇرىلىم مەن بيزنەستىڭ تيىمدىلىگى. سونداي-اق، پارامەترلەردىڭ ءوزى جالپى ىشكى ءونىم، بەنزين باعاسى، سالىق دەڭگەيى، كاپيتال قۇنى، مەملەكەت ساياساتىنىڭ ايقىندىعى، مەملەكەتتىك ساياسات، شەتەلدىك يدەيالارعا قاتىسى ۇلتتىق كوزقاراستار سىندى بىرنەشە دەڭگەيلەرگە بولىنگەن.
قازاقستان رەيتينگ بويىنشا ءوز پوزيتسياسىن الدەقايدا جىلدام جاقسارتقان. ءبىر جىل ىشىندە "مەملەكەتتىك قارجى" پارامەترىندە بىردەن 51 ورىنان 4 ورىنعا، "ىشكى ەكونوميكا" كورسەتكىشىندە 51 ورىننان 40 ورىنعا جوعارىلاعان. بۇعان قوسا رەسپۋبليكا "بيزنەس تيىمدىلىگى" كاتەگورياسىندا دا ءوزىنىڭ پوزيتسياسىن جاقسارتقان.
رەيتينگتە ءبىرىنشى ورىندى ەكى جىل قاتارىنان گونكونگ يەلەندى. ەكىنشى جانە ءۇشىنشى ورىندا - شۆەيتساريا مەن سينگاپۋر. اقش ءۇشىنشى ورىننان ءتورتىنشى ورىنعا تۇسكەن. العاشقى بەستىكتى 8 ورىننان 5 ورىنعا كوتەرىلگەن نيدەرلاندى اياقتاپ تۇر.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى