Foto: The Daily Beast

Şeteldik aqparat közderiniñ keşegi bastı taqırıbı, köptegen elderdiñ basşıları bas qosqan G7 sammitinde söylengen sözder men is-qimıldarı boldı. Dese de, jwrttıñ nazarın köbirek audarğanı – tağı da sol atışulı AQŞ prezidenti Donal'd Tramp boldı. Köptegen şeteldik basılımdar Tramptıñ sammitte özge el basşılarınıñ sözine mülde nazar audarmağanın aytıp sınauda. Bwl ğalamdıq aqparat qwraldarında qızu taqırıpqa aynalıp şığa berdi. Tipti Aqüy baspasöz hatşısınan arnaulı tüsinikteme swradı.

(1-şi suret) Germaniya kancleri, Tunis prezidenti jäne özge el basşıları G7 sammitinde. Foto: News.Sina

Britandıq «Mirror» (Ayna) basılımı sammittegi beyne tüsirilimdi jiñişkelikpen taldap körsetti. Basılımda: «Beyne körinis kesindileriniñ mına bir (2-şi suret) bölegine nazar audarıñız. Bwl Italiya prem'er-ministri arnaulı bayandama jasap jatqan kez. Germaniya kancleri Angela Merkel' men Tunis prezidenti Kaid Es-Sebsi jäne özge elderdiñ basşıları bar nazarın salıp tıñdap otırğanı bayqaladı. Alayda, prezident Tramptıñ äreketi tüsiniksiz. Qwlağına audarmaşınıñ tıñdağışın da ilmegen küyi, tüs körip ketken sekildi. Älde, Tramp italiya tilin jaqsı bile me?», – dep jazılıptı.

(2-suret) Tramptıñ sammitte tüs körui. Foto: News.Sina

AQŞ prezidentiniñ alğaşqı saparında ol turalı alıp qaşpa pikirlerdi at köterip jüre almastay boldı. Jwrt onıñ Arab basşılarımen köñilsiz «Qılış biin» bileui. Izrail'de hanımımen tüsinispey qaluı sekildi keybir ağattıqtarın terude. Tipti onıñ Rim Papasımen jolıqqanı turalı ne bir daqpırtqa wqsas videolar da tarap ketti. Tramp turalı älemdi kezgen bwl pikirler onıñ aldağı sayasattağı bedeline keri äser etetini anıq. Biraq bwl qılıqtarı onı birden-aq älemdegi eñ tanımal twlğağa aynaldırdı.

“The Qazaq Times”