Foto: Tau-Ken Samruk

"AresolorMittalTemirtau" kompaniyasınan bilikti kadrlar ketip jatır. Bwl turalı kompaniyanıñ bas direktorı Paramjit Kalon mälimdedi. Onıñ sözinşe, qızmetkerlerdiñ köpşiligi jaqın şetelderge ketetin körinedi. Mwnday jağdayda şeteldik qızmetkerlerdi tartuğa tura keledi. 

"Adamdar şetelge ketip jatır, öytkeni ol jaqta jağday jasalğan. Mısalı Qazaqstanda zeynetke  63-te şıqsa, Reseydegi tau ken öndirisinde jwmıs isteytinderdiñ zeynet jası - 54 jas. Olar Reseyde 54 jasta zeynetke şığıp, arı qaray da jwmıs isteuge bolatının biledi", - deydi kompaniya basşısı.

Onıñ sözinşe, täjiribeli qızmetkerlerdiñ şetel asuına baylanıstı tau-ken metallurgiya salasında qiındıqtar tuındap jatır. Onıñ üstine jastardı dayındau kerek. Osınıñ saldarınan tipti mamandıqtıñ da statusı tömendep ketken.

"Qoğamda tau-ken öndirisiniñ jwmısı qiın, qauipti, tabıs az, layıqtı qwrmettelmeydi degen stereotip qalıptasqan. YAğni bwl jas wrpaqtardıñ arasında beleñ alıp baradı", - dedi Kalon.

Onıñ sözinşe, jastar mamandıqtı igergileri kelmeydi jäne bolaşaqta bwl negizgi mamandıqtardıñ joğaluına alıp keledi.

"Qazirgi kezde tau-ken metallurgiya önidirsine qajetti mamandıqtıñ 81%-ı igerilu kerek. Biraq bwl Qazaqstan kolledjderindegi oqu bağdarlamalarınıñ eşbirinde qarastırılmağan. Sondıqtan tehnikalıq mamandandırılğan oqu orındarına osı salanı oqıtuğa arnalğan bağdarlamalardı engizuge wsınıs aytamız", - dedi ol.

Sonday-aq, ol ükimetke osı salada jwmıs isteytinderdiñ zeynet  jasın qısqartu mäselesin qaraudı wsınğan. Onıñ aytuınşa, ziyandı öndiriste jwmıs istegender 25 jıl jwmıs ötilimen zeynetke şığuı qajet. YAğni 20 jastan bastap jwmıs istegender 45 jasta zeynetkerlikke şığuı tiis.

"The Qazaq Times"