"ارەسولورميتتالتەمىرتاۋ" كومپانياسىنان بىلىكتى كادرلار كەتىپ جاتىر. بۇل تۋرالى كومپانيانىڭ باس ديرەكتورى پارامجيت كالون مالىمدەدى. ونىڭ سوزىنشە، قىزمەتكەرلەردىڭ كوپشىلىگى جاقىن شەتەلدەرگە كەتەتىن كورىنەدى. مۇنداي جاعدايدا شەتەلدىك قىزمەتكەرلەردى تارتۋعا تۋرا كەلەدى.
"ادامدار شەتەلگە كەتىپ جاتىر، ويتكەنى ول جاقتا جاعداي جاسالعان. مىسالى قازاقستاندا زەينەتكە 63-تە شىقسا، رەسەيدەگى تاۋ كەن وندىرىسىندە جۇمىس ىستەيتىندەردىڭ زەينەت جاسى - 54 جاس. ولار رەسەيدە 54 جاستا زەينەتكە شىعىپ، ارى قاراي دا جۇمىس ىستەۋگە بولاتىنىن بىلەدى", - دەيدى كومپانيا باسشىسى.
ونىڭ سوزىنشە، تاجىريبەلى قىزمەتكەرلەردىڭ شەتەل اسۋىنا بايلانىستى تاۋ-كەن مەتاللۋرگيا سالاسىندا قيىندىقتار تۋىنداپ جاتىر. ونىڭ ۇستىنە جاستاردى دايىنداۋ كەرەك. وسىنىڭ سالدارىنان ءتىپتى ماماندىقتىڭ دا ستاتۋسى تومەندەپ كەتكەن.
"قوعامدا تاۋ-كەن ءوندىرىسىنىڭ جۇمىسى قيىن، قاۋىپتى، تابىس از، لايىقتى قۇرمەتتەلمەيدى دەگەن ستەرەوتيپ قالىپتاسقان. ياعني بۇل جاس ۇرپاقتاردىڭ اراسىندا بەلەڭ الىپ بارادى", - دەدى كالون.
ونىڭ سوزىنشە، جاستار ماماندىقتى يگەرگىلەرى كەلمەيدى جانە بولاشاقتا بۇل نەگىزگى ماماندىقتاردىڭ جوعالۋىنا الىپ كەلەدى.
"قازىرگى كەزدە تاۋ-كەن مەتاللۋرگيا ونىدىرسىنە قاجەتتى ماماندىقتىڭ 81%-ى يگەرىلۋ كەرەك. بىراق بۇل قازاقستان كوللەدجدەرىندەگى وقۋ باعدارلامالارىنىڭ ەشبىرىندە قاراستىرىلماعان. سوندىقتان تەحنيكالىق مامانداندىرىلعان وقۋ ورىندارىنا وسى سالانى وقىتۋعا ارنالعان باعدارلامالاردى ەنگىزۋگە ۇسىنىس ايتامىز", - دەدى ول.
سونداي-اق، ول ۇكىمەتكە وسى سالادا جۇمىس ىستەيتىندەردىڭ زەينەت جاسىن قىسقارتۋ ماسەلەسىن قاراۋدى ۇسىنعان. ونىڭ ايتۋىنشا، زياندى وندىرىستە جۇمىس ىستەگەندەر 25 جىل جۇمىس وتىلىمەن زەينەتكە شىعۋى قاجەت. ياعني 20 جاستان باستاپ جۇمىس ىستەگەندەر 45 جاستا زەينەتكەرلىككە شىعۋى ءتيىس.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى