Foto: Tengrinews

Qazaqstan men Özbekstan arasında qatınaytın poyızdarğa biletter arzandaydı. Bwl turalı «Jolauşılar tasımalı» AQ baspasöz qızmeti habarladı.

"Halıqtıñ swranısın qanağattandıru maqsatında biletti satıp alu merzimine qaray Qazaqstan men Özbekstan arasında tikeley qatınaytın jäne Özbekstannan Reseyge Qazaqstan arqılı jüretin poyızdarğa jeñildikter engiziledi", - delingen habarlamada.

Atalğan jeñilidkter 2017 jıldıñ 27 mamırı men 28 jeltoqsanına deyin tömendegidey kölemde qarastırılğan: 

Kupe jäne SV vagondar üşin:

  • Poyızdıñ jüruinen 45 täulikten 31 täulik bwrın satıp alsa 45 payız jeñildik.
  • Poyızdıñ jüruinen 30 täulikten 6 täulikke deyin satıp alsa 35 payız jeñildik.

Plackart vagondar üşin:

  • Poyızdıñ jüruinen 45 täulikten 31 täulik bwrın satıp alsa 35 payız jeñildik.
  • Poyızdıñ jüruinen 30 täulikten 6 täulikke deyin satıp alsa 25 payız jeñildik.

Bwl jeñildikter bir memleket işindegi marşruttarda jäne bir top jolauşılar birge bilet alğan jağdayda qoldanılmaydı.

"The Qazaq Times"