Stokgol'mdağı, Sankt-Peterburgtegi lañkestik şabuıldardan keyin älem Özbekstan terrorizmi jayında söz qozğay bastağanı belgili. Al sol Özbekstan meşitterinde özderinen şığıp jatqan lañkester jayında ne aytıp jatır? Özbekstan dini basqarması elde örşip twrğan dini radikalizmmen küresip jatır ma? Osı jäne özge de swraqtarğa centre1.com. saytınıñ jurnalisteri jauap izdep körgen.
Atalmış internet basılımnıñ tilşileri jwma sayın birneşe apta boyı Taşkent qalasındağı meşitterge barap, sol jerdegi imamdardıñ uağızdarın tıñdağan.
Osı uaqıt aralığında Taşkent qalasında ornalasqan meşitterdiñ bir de, birin de el işindegi radikaldı dini ağımdar, dini ekstremizim, Resey men jaqın jäne alıs şet elderde lañkestik toptardıñ arbauına tüsip jatqan Özbekstan azamattarı jayında aytılmağan.
Onıñ orınına Özbekstan imamdarı özbek jastarına näpsini qalay tıyıp wstauğa bolatını jayında, ısırapşıldıq pen Ramazan ayında asta-tök auız aşar jasamau kerektigi jayında uağız aytqan.
Osı arqılı Özbekstan dini basqarması da, Özbekstan din ister komiteti de eldegi radikaldı dini toptarmen küresuge qauqarsız nemese qwlıqsız ekenin däleldegen.
Biraq bwl jañalıq emes ekeni belgili. Öytkeni Islam Kärimovtıñ kezinen bastap Özbekstanda dini radikalizm jayında el işinde söz qozğauğa qatañ tıyım salınğan bolatın.
