Foto: CBSNEWS

AQŞ Ortalıq bankiniñ 19 mamırda jariyalağan habarına qarağanda, amerikalıq otbasılardıñ äleumettik jağdayı jalpı jaqtan «jeñildetilgenimen», är üşinşi otbası qarjılıq qiınşılıqta ömir sürip jatır. Bwl turalı "Hinhua" agenttiginiñ resmi saytı habarlap otır.

AQŞ FRJ-nıñ 2016 jılğı Otbasılıq qarjılıq jağdayğa jürgizgen tekseru qorıtındısı boyınşa, 73 mln amerikalıq wqsamağan deñgeydegi qarjılıq qiınşılıqta ömir sürip otır. Bwlardıñ basım köbi qara näsildi jäne ispan tekti amerikalıqtardı qwrap otır.

Sonımen birge amerikalıqtardıñ jartısına juığı (44 payızı) 400 dollar şamasındağı qosımşa qarajattı, bölip töleu nemese banktiñ kepil boluınsız töley almaydı.

FRJ-nıñ aytuınşa kündelikti şığındardıñ basım bölegi eresekter men orta jastağılardıñ moyınında eken. Eger kütpegen qiınşılıqtarğa tap bolıp aqşa jwmsau kerek bolğanda eriksiz ükimettiñ nemese banktiñ kömegine jüginbek.

Qwrama Ştattağı otbasılar üşin alıp aytqanda, medicinalıq şığıstar eñ ülken auırtpaşılıq boluda. Bwl Aqüydegi dau-damaydıñ da eñ bastı taqırıbına aynalıp twr. Ötken jılı 10 payız amerikalıq medicinalıq qarajatın tolıq ötey almağan.

AQŞ studentteri eñ auır qarjılıq qiınşılıqta ömir sürip otırğan adamdar bolıp sanaladı. Kolledj studentteriniñ basım köbi qarızğa baylanğan.

Dese de, joğarıda atalğan tekseru nätijesine qarağanda 2016 jılı amerikalıq otbasılardıñ qarjılıq jağdayı azdap jaqsarğan. Aytalıq, 70 payız otbası jeñildetilgen twrmıstıq jağdayda otır deuge boladı. 2013 jäne 2015 jıldarı bwl körsetkiş 62 payız ben 69 payızdı körsetken eken.

“The Qazaq Times”