اقش ورتالىق بانكىنىڭ 19 مامىردا جاريالاعان حابارىنا قاراعاندا، امەريكالىق وتباسىلاردىڭ الەۋمەتتىك جاعدايى جالپى جاقتان «جەڭىلدەتىلگەنىمەن»، ءار ءۇشىنشى وتباسى قارجىلىق قيىنشىلىقتا ءومىر ءسۇرىپ جاتىر. بۇل تۋرالى "حينحۋا" اگەنتتىگىنىڭ رەسمي سايتى حابارلاپ وتىر.

اقش فرج-نىڭ 2016 جىلعى وتباسىلىق قارجىلىق جاعدايعا جۇرگىزگەن تەكسەرۋ قورىتىندىسى بويىنشا، 73 ملن امەريكالىق ۇقساماعان دەڭگەيدەگى قارجىلىق قيىنشىلىقتا ءومىر ءسۇرىپ وتىر. بۇلاردىڭ باسىم كوبى قارا ءناسىلدى جانە يسپان تەكتى امەريكالىقتاردى قۇراپ وتىر.

سونىمەن بىرگە امەريكالىقتاردىڭ جارتىسىنا جۋىعى (44 پايىزى) 400 دوللار شاماسىنداعى قوسىمشا قاراجاتتى، ءبولىپ تولەۋ نەمەسە بانكتىڭ كەپىل بولۋىنسىز تولەي المايدى.

فرج-نىڭ ايتۋىنشا كۇندەلىكتى شىعىنداردىڭ باسىم بولەگى ەرەسەكتەر مەن ورتا جاستاعىلاردىڭ مويىنىندا ەكەن. ەگەر كۇتپەگەن قيىنشىلىقتارعا تاپ بولىپ اقشا جۇمساۋ كەرەك بولعاندا ەرىكسىز ۇكىمەتتىڭ نەمەسە بانكتىڭ كومەگىنە جۇگىنبەك.

قۇراما شتاتتاعى وتباسىلار ءۇشىن الىپ ايتقاندا، مەديتسينالىق شىعىستار ەڭ ۇلكەن اۋىرتپاشىلىق بولۋدا. بۇل اقۇيدەگى داۋ-دامايدىڭ دا ەڭ باستى تاقىرىبىنا اينالىپ تۇر. وتكەن جىلى 10 پايىز امەريكالىق مەديتسينالىق قاراجاتىن تولىق وتەي الماعان.

اقش ستۋدەنتتەرى ەڭ اۋىر قارجىلىق قيىنشىلىقتا ءومىر ءسۇرىپ وتىرعان ادامدار بولىپ سانالادى. كوللەدج ستۋدەنتتەرىنىڭ باسىم كوبى قارىزعا بايلانعان.

دەسە دە، جوعارىدا اتالعان تەكسەرۋ ناتيجەسىنە قاراعاندا 2016 جىلى امەريكالىق وتباسىلاردىڭ قارجىلىق جاعدايى ازداپ جاقسارعان. ايتالىق، 70 پايىز وتباسى جەڭىلدەتىلگەن تۇرمىستىق جاعدايدا وتىر دەۋگە بولادى. 2013 جانە 2015 جىلدارى بۇل كورسەتكىش 62 پايىز بەن 69 پايىزدى كورسەتكەن ەكەن.

“The Qazaq Times”